Uviéu vive’l so Antroxu más cinematográficu

Uviéu vive’l so Antroxu más cinematográficu
11 marzu 11:03 2019 Imprimir

Uviéu vivIÓ’l so Antroxu más cinematográficu con una Reina de Corazones que coronóse como la ganadora del concursu d’amarutes na so modalidá individual. L’oru na categoría de pareyes foi pa Buzzlightyear y Zurg, y na de grupos, pa los miembros de Pop Art Boom-Niágara.

Tocantes a los centros sociales, San Cloyo alzóse col primer premiu cola so propuesta Cartelera de cine”. El local Kiko Maraques cola so decoración titulada “Premios Grammy 2019” y la llibrería Sotomayor col escaparate “Renacer” ganaron respectivamente los concursos d’establecimientos hosteleros y comerciales.

El centru d’Uviéu convirtióse esta tarde nun escenariu cinematográficu pol que desfilaron dende personaxes de “Velea en Navidá” hasta los protagonistes de películes infantiles como Vaiana,Toy Story 2 o Asterix, Obelix y Cleopatra, y ye que la Fundación Municipal de Cultura quixo centrar la temática d’esta vigesimosexta  edición del concursu d’amarutes p’adultos, nel cine, n’homenaxe “a esos 41.000 espectadores” qu’allegaron a los ciclos cinematográficos “Cine a la Lluz de la Lluna”, la Selmana de lo Audiovisual Contemporaneu d’Uviéu y RADAR, programaos de forma gratuita pol Conceyu d’Uviéu.

En total, desfilaron representantes de 18 centros sociales, 11 grupos, 3 concursantes individuales y 6 pareyes, que, acompañaos por 7 charangues, la Real Banda de Gaites Ciudad d’Uviéu y la Banda de Música Ciudá d’Uviéu fixeron les delicies de los uvieinos que se dieron cita na cai pa esfrutar d’esti espectáculu llenu de color y música. Na Plaza de la Catedral esperába-yos el xuráu, conformáu pola diseñadora y escaparatista, Toñina Galán, la periodista Elena de la Fonte, el director y guionista de cine Samu Fuentes, la diseñadora de la imaxe del Antroxu 2019, Cordelia Pickford y Montserrat Diez Melandru, en representación de la Fundación Municipal de Cultura. Ellos tuvieron la difícil xera d’escoyer  a el ganadores d’esta edición.

Asina, na categoría individual  apurrióse’l primer premiu, dotáu con 350 euros, a la Reina de Corazones  de “Alicia nel País de les Maravíes”.  El segundu puestu, con 250 euros, foi pa un conseguidísimo Avatar y el terceru, con 150 euros pa un árbol viviente de “El Monte Animáu”. En Pareyes, Buzzlightyear y Zurg de Toy Story 2 alzáronse col primer puestu (600 euros) siguíos de Russel y el señor Fredricksen de la entrañable película UP (500 euros) y les siameses “Había una vegada un circu” (300 euros).  Na categoría de Grupos, los 1.200 euros de la primer posición fueron pa “Pop Art Boom-Niágara” Otros 900 euros fueron parar a les manos de los miembros del grupu “La Bola de Cristal” y los 300 euros del tercer premiu llevar el colectivu “El Gran Showman” A lo último, el Centru Social de San Cloyo, cola so propuesta Cartelera de Cine”  quedó en primer posición (1.200 euros). La plata foi para los miembros del Centru Social de la Monxina y la so recreación de la película de Hitchcock “Los Páxaros” (900 euros) y el bronce para’l Centru Social de Anieves y la so propuesta “Vas Esfrutar nun sillón viendo los Reis del Sol” (600 euros).

Esta tarde tamién se fixo públicu’l fallu del XXV Concursu d’Establecimientos Hosteleros: en primer posición quedó’l local Kiko Maraques con “Premios Grammy 2019” (1.300 euros) , siguíu del Chigre Guillén cola so propuesta “La tabierna de los Ranchopiedras” (1.000 euros) y el Chigre Caxón Desastre con “Alicia nel país de les maravíes” (700 euros). En cuanto al VI Concursu d’Escaparates d’Establecimientos Comerciales, la llibrería Sotomayor ganó’l primer puestu (1.000 euros) con un diseñu tituláu “Renacer”. El segundu premiu, dotáu con 800 euros, foi pal Centru Ópticu Rivas con “El baille de les mázcares” y el terceru, con 500 euros, pa la mercería Agua d’Idees cola so escapate “Super mercería Bros”.

La música y la fiesta del Antroxu siguió na Plaza de la Catedral a ritmu de les bandes Downtown Boys (USA), The Dustaphonic (UK), Neña Coyote eta Chicu Tornáu y Lie Detectors y Trash-Tornaos Mientres les sos actuaciones proxectáronse imaxes y vídeos creaos por 4 artistes visuales de SACU nos que se pudo contemplar referencies a películes icónicas del cine.

  Categories: