ConceyosTurismu Uviéu vende en FITUR el Camín de Santiago, la gastronomía, congresos y la capitalidá by redacción asturnews 23 de xineru, 2020 written by redacción asturnews 23 de xineru, 2020 23 Uviéu va vender en FITUR el Camín de Santiago, la gastronomía, congresos y la capital, como see de cites nacionales de la Cultura o los Deportes a lo llargo d’esta fin de selmana, cuando se producen les visites del públicu en xeneral a esta Feria Internacional de Turismu. El conceyal de Turismu y Congresos, Alfredo García Quintana anunció esta selmana, en rueda de prensa, qu’Uviéu va tar presente na Feria Internacional de Turismu (FITUR), que se celebra en Madrid “dende esti miércoles al domingu, una de les cites más importantes a nivel mundial para promocionar marques, conocer productos, enclinos y recoyer contactos y axendes. Nós queremos empobinar la promoción de la nuesa ciudá poniendo en valor aquellos recursos más importantes de la nuesa ciudá. Somos conscientes de que son únicos y estraordinarios y creemos que la promoción tien de dir empobinada a dellos capítulos: El Camín de Santiago, la ruta primitiva; la gastronomía; les feries de Turismu y actividaes de Cultura y Deportes”, Sigún desplicó’l conceyal “el Camín de Santiago ye unu de los nuesos recursos más importantes porque Uviéu ye l’entamu de la ruta primitiva, el primer itinerariu cultural d’Europa, nacíu d’Alfonso II’l Castu, el primer pelegrín de la hestoria”. El segundu capítulu, esplicó Quintana, ye la Gastronomía “unu de los recursos más valoraos y nesi sentíu vamos siguir potenciando los menúes yá consolidaos como’l del Antroxu, l’Ascensión o’l Desarme pero tamién vamos potenciar otres iniciatives p’amontar la promoción”. Sobro esti asuntu’l conceyal anunció qu’Uviéu “forma yá parte Saborguia España, la marca de turismu gastronómicu español con vocación internacional, con un sofitu bien importante d’instituciones y sobremanera de TurEspaña”. Hai 21 destinos n’España incluyendo Uviéu, “que foi almitida yá y va ratificase el próximu día 24, pero cola particularidá de qu’en tol Norte d’España solo tamos nós y La Coruña”, añadió Quintana. Nel capítulu de Turismu y Congresos, Quintana repitió “l’interés y el trabayu que tamos desenvolviendo pa intentar consiguir y recuperar el nivel de celebración de congresos que teníamos va años, participando nes feries del sector, con actividaes puntuales de promoción y captación de grandes eventos o calteniendo l’alcuerdu robláu con Xixón y Avilés”. El Prerrománicu, la temporada d’ópera y zarzuela d’Uviéu, la Selmana Santa y les confreríes, son otros de los curiosos d’Uviéu que se van llevar a Fitur”. Nel apartáu de deportes, el conceyal de Turismu destacó cites como “los campeonatos de natación que van convertir a la nuesa ciudá na capital d’esti deporte; la Farinato Race; la Uviéu Cup, la Vuelta ciclista a Asturies, el Rally Príncipe d’Asturies o’l Campeonatu d’España de Agility”. 0 FacebookTwitterPinterestEmail Anterior Vox quier que los padres decidan los “conteníos morales” de les asignatures siguiente Uviéu confirma’l retayu de beques, pero diz que «van llegar a los que les precisen» Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles