Uviéu va tener una seronda con munchu teatru

Uviéu va tener una seronda con munchu teatru
02 09:03 2018 Imprimir

La Fundación Municipal de Cultura del Conceyu d’Uviéu programó, esta temporada, más de venti representaciones teatrales nel Teatru Filarmónica, para adultos y neños. El ciclu entamó esti sábadu pasáu con “Luppo”, un espectáculu infantil sobro’l ciclu de la vida, y entama esti 3 de payares les actividaes p’adultos.

Uviéu va vivir una seronda con muncho teatru. La Fundación Municipal de Cultura tien programaes más de venti representaciones teatrales, nel teatru Filarmónica, p’adultos y neños. Son dos ciclos, “Teatru pa xente menudo” y “Teatru de seronda” p’adultos, pero fueron los neños y neñes los primeros en sentase nel patiu de butaques. El sábadu día 27, l’espectáculu “Luppo”, Premiu al Meyor Espectáculu Infantil na Feria de Teatru de Ciudad Rodrigo 2015 y candidatu a los Max 2016 na categoría de “Meyor autoría teatral”, estrenó’l programa teatral infantil. Con un preciu por entrada de 8 o 6 euros, los más pequenos (edá encamentada a partir de 4 años) pudieron cavilgar y aprender más sobro’l ciclu de la vida.

Los adultos van tener qu’esperar a esti sábadu 3 de payares pa estrenar el ciclu de “Teatru na seronda”. Van facelo con “Na vera”, de K Producciones, una obra basada na novela de Rafael Chirbes que recibió dellos premios. La versión teatral –en coproducción col CDN- ye un espectáculu de marcáu conteníu político y social que suxure xuna reflexón sobro los valores que rixeron xuna sociedá, un mundu y un tiempu nel nuesu país.

  Categories: