Portada Sociedá Uviéu va ser una de les 10 ciudaes españoles que celebren la Selmana Global de la Economía Verde y el Movimientu pol Clima

Uviéu va ser una de les 10 ciudaes españoles que celebren la Selmana Global de la Economía Verde y el Movimientu pol Clima

by redacción asturnews

El conceyal d’Economía y Empléu, Rubén Rosón, presentó esta selmana pasada l’eventu ECU4CLIM17 que va tener llugar, na Turria de la Ería, el día 18, a partir de les 16 hores.

Ecoemprendedores pol Clima entama y coordina la Selmana Global de la Economía Verde y el Movimientu pol Clima, “una selmana d’acción global en 10 ciudaes españoles y 38 mundiales para empoderar ya impulsar ecoemprendedores con soluciones empresariales a los retos derivaos del cambéu climáticu, dende una óptica de sostenibilidá, cooperación y rentabilidá. La Edición 2017 de la Selmana Global (ECU4CLIM17), respondida por poles Naciones Xuníes (“UNFCCC COP23 endorsed initiative”), va tener en lugar Uviéu’l 18 d’Ochobre, na Turria de la Ería, n’horariu de tarde (a partir de les 16 hores).

Asina, “Uviéu va asitiase al pie de otros 9 conceyos españoles como defensora de la Economía verde”. Con esta palabres, el conceyal d’Economía y emplegu, Rubén Rosón, presentó esta selmana pasada, en rueda de prensa, la III Edición de la la Selmana Global de la Economía Verde y el Movimientu pol Clima. Facer acompañáu de Paula Baldó, de Envirall, organizadora del eventu y Carlos Rodríguez y Edgar Imaz, entamadores ganadores nel concursu de la pasada edición.

L’eventu consta de trés partes: un Panel d’Espertos para identificar retos y oportunidaes para ecoemprendedores a nivel local; un Taller creativu (Workshop) como ayuda para identificar esos retos y proponer soluciones innovadores y los Premios Campeonos del Clima, onde s’entra en contactu con proyectos o empreses qu’ufierten soluciones al cambéu climáticu y tienen gran potencial d’impactu positivu na comunidá y nes y los ecoemprendedores finalistes.

Tamién te podria gustar