FiestesSociedá Uviéu va rindir homenaxe a Nueva Orleans nel desfile del Día d’América by redacción asturnews 13 de xunu, 2018 written by redacción asturnews 13 de xunu, 2018 33 El conceyal de Cultura, Roberto Sánchez Ramos tuvo estos díes de visita nel trubiecu del jazz, en Louisiana (Estaos Xuníos) y caltuvo xuntes con agrupaciones musicales. La delegación de Nueva Orleans aceptó la invitación de Sánchez Ramos pa participar nel Desfile d’América n’Asturies. La comitiva va incorporar xuna xarré especial pa rindir homenaxe a Nueva Orleans. El conceyal de Cultura y Festexos y presidente de la Fundación Municipal de Cultura d’Uviéu, Roberto Sánchez Ramos (IX), tuviera estos díes en Nueva Orleans, convidáu por Jason Roger Willians, presidente de l’Asamblea Municipal de Nueva Orleans, cargu equivalente al de Teniente d’Alcalde. Roger decidió convidar al conceyal uvieín a la ciudá trubiecu del jazz, conocida tamién pel so antroxu, pa establecer alcuerdos de collaboración ente dambes ciudaes, principalmente de calter musical. Esta mañana dambos hanse axuntáu. El conceyal de Cultura fíxo-y entrega a Roger Willians d’un retruque de la Catedral en plata y llibros d’Uviéu. El presidente de l’Asamblea Municipal de Nueva Orleans apurrió-y un diploma y dellos volumes sobro la hestoria de Nueva Orleans. Como amuesa d’agradecimientu, Roberto Sánchez Ramos, dirixióse al Plenu de l’Asamblea Municipal de Nueva Orleans y convidó a los representantes y a “street bands” o agrupaciones musicales, a participar nel Desfile d’América n’Asturies. La respuesta foi afirmativa colo que, en señal d’agradecimientu, “los xarrés” d’Uviéu van incorporar el próximu San Mateo xuna plataforma específica pa la delegación de Nueva Orleans. La ciudá de Nueva Orleans conmemora anguaño’l 300 aniversariu de la so fundación y por cuenta de esa efeméride creó una comisión del tricentenario, que ta desenvolviendo un ampliu programa d’actividaes. 0 FacebookTwitterPinterestEmail Anterior Carlos Pizarro trío presenta’l Jazz nel Centru siguiente EMULSA desenvuelve una app y un mapa interactivu pa impulsar la reutilización en Xixón Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón