Uviéu va retresmitir en directu la ópera “L´Elisir d´amore” dende’l Campoamor a cinco barrios d’Uviéu

Uviéu va retresmitir en directu la ópera “L´Elisir d´amore” dende’l Campoamor a cinco barrios d’Uviéu
16 09:09 2017 Imprimir

El Conceyu d’Uviéu va desenvolver esta selmana’l programa ‘Ópera pa toos’, que consiste na retresmisión en directu, el sábadu 18 a les 20 hores, dende’l teatru Campoamor de la ópera “L´Elisir d´amore” en cinco barrios distintos d’Uviéu.

En total va haber 1500 places pala emisión de la ópera, esti sábadu a les 20 hores, dende cinco allugamientos de la ciudá. L’actividá ye gratuita y l’oxetivu ye que “la ópera llegue a tola ciudadanía”, esclarió’l conceyal de Cultura, Roberto Sánchez Ramos, mientres la presentación d’esta actividá.

El conceyal cultura, Roberto Sánchez Ramos presentó esta selmana, en rueda de prensa l’actividá ‘Ópera para toos’, que consiste na retresmisión en directu, el sábadu 18 a les 20 hores, dende’l teatru Campoamor de la ópera “L´Elisir d´amore” en cinco barrios distintos d’Uviéu. L’oxetivu principal d’esta actividá ye “averar la ópera y ponela en contactu’l públicu polo xeneral, que llegue a tola ciudadanía”, matizó’l conceyal.

La representación, que va tener llugar a les 20 hores del sábadu 18, va poder vese en directu, de forma gratuita, en dellos centros: centru social Ciudá Naranco, I.Y.S. La Corredoria, I.Y.S. La Ería, Teatru Casín de Trubia, y Teatru de Pumarín. La obra representada “L´Elisir d´amore”, xira en redol a una temática amorosa, y que s’asitia en “un marcu cercanu nel que cualquier persona puede identificase”, sorrayó’l so Director Musical, Oliver Díaz.

  Categories: