Uviéu va reconocer a Tribuna Ciudadana por cuenta de so 40 aniversariu

L’equipu de Gobiernu encabezáu pol alcalde, Alfredo Canteli, quier reconocer la importante aportación que l’asociación cultural Tribuna Ciudadana lleva realizando a la ciudá dende fai 40 años y va promover el nomamientu d’una plaza del Campu San Francisco n’homenaxe a la emblemática asociación.

El conceyal del ramu, Mario Arias, quixo resaltar a Tribuna Ciudadana como una asociación cultural uvieina que tien, ente los sos oxetivos “el fomentu de la ciencia y la cultura nes sos más amplies y variaes facetes, al traviés de la promoción y realización de too tipu d’actividaes empuestes al estudiu, desenvolvimientu y divulgación de les temes científicu y cultural”. Un colectivu, añedió, “integráu por persones de les más variaes ideoloxíes, xuníes por un únicu y primordial oxetivu como ye’l de poner al algame del mayor númberu posible d’asturianos les voces contemporanees de mayor relieve y calidá y les temes de más interés y actualidá pa la sociedá. Llabor a la que lleven dedicándose dende la so fundación en 1980”.

Arias aprofió que’l Conceyu d’Uviéu, dirixíu por Alfredo Canteli, quier homenaxar, coincidiendo col cuarenta aniversariu de la nacencia d’esta asociación que fomenta que la ciencia y la cultura llegue a tolos asturianos, reconociendo col so nome “xuna de les places d’un llugar tan emblemáticu de la ciudá como ye’l Campu San Francisco”.

Por ello, Mario Arias, informó que va llevar a la Xunta de Gobiernu esta propuesta por que la plaza asitiada próxima al Paséu del Bombé y ente les aveníes d’Italia y d’Alemaña sía conocida como plaza de Tribuna Ciudadana.