Uviéu va poner sobro les tables del Campoamor l’asesinatu del Rector Alas

Uviéu va poner sobro les tables del Campoamor l’asesinatu del Rector Alas
24 marzu 12:02 2018 Imprimir

La comisión delegada de la Fundación Municipal de Cultura aprobó esta selmana colos votos a favor de tolos grupos sacante Ciudadanos, la producción y exhibición de la obra El Rector, escrita por Pedro de Silva y centrada nel asesinatu del rector Leopoldo Alas Argüelles asocedíu n’Uviéu en 1937.

La Fundación de Cultura decidió presentar como producción propia esti montaxe de teatru social y comprometíu que se va estrenar nel Teatru Campoamor los próximos 28 y 29 d’abril so la dirección de Etelvino Vázquez. La producción va cuntar con un presupuestu de 125.807 euros.

Per otru llau, la comisión tamién dio lluz verde al programa Folclore na cai qu’anguaño amonta’l so presupuestu nun 5 per cientu al respective de l’anterior edición con un montante de 129.754 euros. Un total de 10 diez grupos folclóricos y 6 bandes de gaites amenizarán el cascu vieyu de la ciudá mientres les mañanes de les fines de selmana.

  Categories: