Uviéu destinará a los grupos folclóricos los mesmos recursos qu’a les bandes de gaites de ‘Folclore na cai’

Uviéu destinará a los grupos folclóricos los mesmos recursos qu’a les bandes de gaites de ‘Folclore na cai’
17 xineru 17:00 2020 Imprimir

La conceyala de Festexos, Cuadonga Díaz caltuvo un alcuentru colos representantes de los grupos folclóricos y les bandes de gaites que participen nel programa de “Folclore na cai” qu’entama’l conceyu d’Uviéu y comunico-yos qu’Uviéu va destinar a los grupos folclóricos los mesmos recursos qu’a les bandes de gaitesvd’esti programa.

Al entamu de la xunta tuvo presente l’Alcalde d’Uviéu, Alfredo Canteli, quien anunció que se va a dar en oldear la cantidá que los grupos folclóricos reciben por actuación por que sía la mesma que la de les bandes de gaites. Darréu la conceyala detalló’l pormenor de la midida. Al rematar la xunta la conceyala destacó que cola nueva midida los grupos van pasar a percibir 840 € por actuación, lo mesmo que perciben les bandes de gaites.

Díaz señala “que con esta medría, pasar de 640 a 840 €, tamos atendiendo a una demanda histórica de los grupos folclóricos que lleven reclamando cobrar lo mesmo que los grupos de gaites”.

La midida foi perbién acoyida y valorada polos representantes de los grupos folclóricos. Na xunta tamién se faló de les midíes que se van implementar na nueva edición, sobro los horarios, calendarios, etcétera.

  Categories: