Portada Conceyos Uviéu va apurrir cheques de comida a los beneficiarios de beques comedor

Uviéu va apurrir cheques de comida a los beneficiarios de beques comedor

by redacción asturnews
Foto: Ayuntamiento de San Bartolomé (https://www.flickr.com/photos/sanbartolome/)

El Conceyu d’Uviéu va poner a disposición de los beneficiarios de beques comedor de los colexos uvieinos cheques de comida pa trocar en supermercaos, énte la imposibilidá d’utilizar les cocines de los colexos pa entamar esti serviciu.

La conceyalía d’Educación diseñara, en collaboración cola empresa prestataria del serviciu, un mecanismu pa la entrega de menúes escolares a les families, por aciu la preparación y dispensa de los menúes a los padres de los neños beneficiarios, pal so consumu nes cases particulares, énte la imposibilidá d’emprestar el serviciu de comedor colectivu. Tou ello, por aciu un protocolu que garantizaba’l cumplimientu de les instrucciones sanitaries en relación con distancies de separación de les persones y evitando aglomeraciones nos centros educativos.

Pa la prestación de dichu serviciu, resultaba imprescindible cuntar col accesu a los centros educativos, col únicu fin de envasar y apurrir los menúes, pa lo que se solicitó la so apertura al Gobiernu del Principáu d’Asturies, tollo dientro de los procedimientos de coordinación riquíos pol Estáu d’Alarma.

La intención del Conceyu yera caltener el serviciu d’ufierta de menúes saludables a les families más precisaes, sosteniendo l’empléu de el trabayadores de la empresa contratada, evitando la suspensión de les sos prestaciones.

L’equipu de gobiernu municipal, llamenta les declaraciones de la Delegada del Gobiernu, Delia Llosa, calificando de “temeraria” la propuesta realizada dende’l Conceyu d’Uviéu. Quiciabes la Delegada nun entendió la iniciativa propuesta, pa lo que sía que non, realizóse, primeramente, la solicitú que finalmente foi refugada pol Gobiernu rexonal.

Énte esa imposibilidá, el Conceyu va sustituyir esti serviciu pola entrega de cheques de comida a los actuales beneficiarios de les beques.

Dende’l Conceyu d’Uviéu dará información detallada de cómo llograr y utilizar estos cheques pa mercar comida, cuando’l sistema entre en funcionamientu, que s’espera sía lo más llueu.

va ufiertase tola información al traviés de los medios telemáticos y canales de comunicación municipales.

Tamién te podria gustar