Portada Conceyos Uviéu ufre 871 dispositivos móviles pa la enseñanza telemática

Uviéu ufre 871 dispositivos móviles pa la enseñanza telemática

by redacción asturnews

Uviéu vieno acabante rematar la entrega de 871 dispositivos móviles por que los estudiantes uvieinos apuerten a la enseñanza telemática, dientro del movimien tu que nesti sen tan faciendo tolos ayuntamientos asturianos.

871 escolares uvieinos yá recibieron los dispositivos que-yos dexarán aportar a la formación telemática. La selmana pasada la Xunta de Gobiernu del Conceyu d’Uviéu aprobó l’alquisición de tarxetes SIM Y Módems USB de conexón a internet por que toos los alumnos de los centros educativos uvieín que lu precisaren pudieren siguir cola formación a distancia, por cuenta de la situación sobrevenida pol coronavirus. D’esta manera dar por rematáu’l procesu puestu en marcha fai xunas selmanes pola Conceyalía d’Economía y Tresformamientu Dixital y que dexó que los estudiantes pudieren superar la fienda dixital.

La entrega de los dispositivos realizose a un total de 43 centros uvieinos, qu’en  coordinación cola Conseyería d’Educación, treslladaron les sos necesidaes a les families. En concretu’l Consistoriu adquirió 800 de les tarxetes apurríes y la Conseyería d’Educación apurrió les 71 restantes.

Los equipos docentes de los centros educativos facilitaron al Conceyu la información pa determinar el númberu d’alumnos que podríen beneficiase de la midida en cada centru. Cuesta quixo estima-yos  “toles facilidaes que nos dieron por que nengún estudiante quédese fuera de la educación a al traviés de la vía telemática”.

 

Tamién te podria gustar