Uviéu tien de pagar 3000 euros a la SGAE polos conciertos de “Folclore na cai”

25 febreru 09:08 2009 Imprimir

El conceyal de Cultura y Deportes y presidente de la Sociedá Uvieína de Festexos (SOF), José Suárez Arias-Cachero, amosó esti martes en rueda prensa la so indignación con motivu de la presentación del ‘Folclore na cai’. El descontentu del conceyal pa cola decisión de la Sociedá Xeneral d’Autores (SGAE) de cobrar 3.000 euros por derechos d’autor demientres el desarrollu de les actividaes de los grupos folclóricos y les bandes de gaita paecen-y a Suárez un “escándalu”.

“Paezme dalgo escandaloso que tengamos que pagar esta cantidá a la SGAE, tán cobrando pol trabayu de los grupos folclóricos y nun sabemos a ónde va esi dineru, pero nós tenemos que cumlir la llei”, afitó’l conceyal, nuna presentación na que también amosó la so disconformidá cola decisión de la SGAE Silvia Suárez García, vocera del grupu de baile ‘Filandón’, dao qu’ellos recueyen bailles tradicionales y la Sociedá d’Autores nun-yos paga un res. “Tienen ‘un morro que se lo pisan’, si nós pensamos editar un CD de música tradicional y naide mos paga nada, ye vergoñoso que tengamos que pagar nós por obres que son propies”, foron les palabres de Silvia Suárez.

  Categories:
Loading Facebook Comments ...