Uviéu sustitúi les visites presenciales de los colexos al zoo El Bosque por visites virtuales

El Conceyu d’Uviéu sustitúi les visites presenciales de los colexos al zoo El Bosque por visites virtuales que van ayudar al caltenimientu de los animales. Les visites virtuales dedicaes al públicu infantil podrán vese al traviés de la web municipal la próxima selmana.

El Conceyu d’Uviéu, al traviés  de la conceyalía d’Educación, sustituyó les visites presenciales con colexos y escolares que se veníen realizando mientres el cursu escolar por una serie de visites virtuales al zoo destinaes a la población infantil. D’esta manera, al traviés d’una serie de visites que se van emitir a finales de la próxima selmana nes canales web del Conceyu d’Uviéu, los escolares de too el conceyu van poder visitar el complexu y conocer caúna de les especies qu’acueye’l núcleu de San Esteban de les Cruces.

Esta actuación de la conceyalía d’Educación respuende a un doble oxetivu, como señala la conceyala delegada d’Educación, Yolanda Vidal, “ tratase de dar respuesta al pidimientu que realizaron los responsables del zoo, que tán teniendo munches perdes económicu y seriu dificultaes para alimentar a los animales qu’alluga esti complexu, yá que dexaron de recibir ingresos al nun tener visites. Sustituyimos les visites presenciales colos colexos por estes visites empuestes virtuales para poder dar un soporte económicu al centru que tien que siguir alimentáu a los más de 300 animales qu’acueye y por que los nuesos escolares puedan conocer dende les sos cases de manera gratuita’l zoo”.