Portada Uncategorized Uviéu sofita l’arte urbano con un concursu pal mural de la cai Santa Clara

Uviéu sofita l’arte urbano con un concursu pal mural de la cai Santa Clara

by redacción asturnews

Acabante entamar agostu, presentábense les bases pa la realización d’un nuevu mural que sustituya al qu’anguaño ocupa la medianera sita na cai Santa Clara d’Uviñeu realizáu nos años 80 por Florentino Flórez y Antonio Llana, que presenta un importante estáu de deterioru.

El nuevu mural tendrá de reflexar, como lo fai l’actual, la importancia de Leopoldo “Nales” Clarín na vida social y cultural d’Uviéu. El conceyal de Cultura, Roberto Sánchez Ramos, presentó xuntu al director del certame “Parees”, Eduard Crespo, les bases del concursu pa sustituyir de manera exemplar el mural esistente na medianera sita na cai Santa Clara 1, realizáu nos años 80 y n’estáu de deterioru.

La obra foi realizada nos 80 por Florentino Flórez y Antonio Llana. Consultáu pola organización del festival Parees, Florentino Flórez tornó la restauración del citáu mural y abogó por realizar una nueva intervención. El nuevu mural tendrá de reflexar, como lo fai l’actual, la importancia de Leopoldo “Nales” Clarín na vida social y cultural d’Uviéu, yá sía resaltando aspeutos de la so vida o de la so obra.

La documentación que se presente a concursu va poder unviase hasta’l 24 de setiembre, nes condiciones detallaes poles bases de la convocatoria. El proyectu ganador se retribuirá con 3.000 euros; los trés finalistes escoyíos van tener xuna compensación económica de 300 euros.

La voluntá tanto del Conceyu, al traviés de la Fundación Municipal de Cultura, como de la organización del festival ye la recuperación paulatina de delles medianeres y la recuperación d’espacios por aciu del arte urbano. La producción del festival Parees, que va cuntar con una alta participación d’artistes locales, y la cesión d’espacios pa la espresión artística llibre de la ciudadanía, son dos de les primeres iniciatives d’esti apueste, que se van materializar yá anguaño.

BASES FINALES concursu mural Santa Clara

Tamién te podria gustar