Uviéu retoma online los cursos y talleres programaos nos Centros Sociales

Uviéu retoma online los cursos y talleres programaos nos Centros Sociales
06 abril 09:48 2020 Imprimir

Uviéu retoma los cursos y talleres que taben programaos nos Centros Sociales, en versión telemática, de forma que dende esti mes reactívense les actividaes previstes que se van enllargar hasta xunu y van poder siguise al traviés de les redes de Centros Sociales del Conceyu d’Uviéu.

El Conceyu d’Uviéu, al traviés de la conceyalía de Centros Sociales que dirixe Lourdes García, y tres la reorganización de los servicios debíu al zarru d’estes instalaciones, retoma a partir d’esti mes d’abril tou les actividaes, cursos y talleres que primeramente taben previstos, y que’l Consistoriu va ufiertar a los alumnos al traviés de medios dixitales.

Les actividaes empezaron el 1 d’abril, y van caltenese indefinidamente mientres s’enllarguen les midíes preventives d’esta crisis sanitaria, hasta, nel so casu, la finalización del cursu en xunu. La conclusión de les actividaes va ampliar el so plazu, estendiéndose a lo llargo del mes de xunu, con cuenta de faer posible la recuperación de les sesiones ensin impartir.

Ciertes actividaes van dexar el siguimientu “n’abiertu” pa tol públicu, aportando a los conteníos reproducibles en formatu video al traviés de la conexón facilitada na web municipal dende diverses plataformes (Canal Youtube, Facebook, etc…).

Na gran mayoría de los casos, el siguimientu individualizáu de les clases ta acutáu a los alumnos inscritos antes del zarru de les instalaciones. Esti siguimientu va dexar la realización de consultes, accesu a materiales y conteníos adicionales, participación en videoconferencias y plataformes d’intercomunicación grupal, disponibles mientres l’horariu de l’actividá, pa los alumnos que disponen de plaza.

Pa una fayadiza participación y siguimientu de les clases precisase de corréu electrónicu, conexón a internet y ordenador, Tablet, Smartphone o dispositivu similar. Los alumnos que desconozan el manexu de los programes necesarios pa participar, y cunten con plaza nel taller, pueden ponese en contactu col serviciu de Centros Sociales pa solicitar información y asesoramientu telefónicu, al traviés del teléfonu 985981855, o bien nel y-mail

A partir de la próxima selmana van indicase, al traviés de la páxina web del Conceyu d’Uviéu, na sección Centros Sociales, aquelles actividaes qu’entá disponen de places disponibles. P’apuntase a estos talleres tendrá de formalizase la correspondiente inscripción al traviés de la vía electrónica ordinaria establecida. Nestos casos la asignación de plaza va realizar según l’orde de solicitú, y va confirmase espresamente a la persona comenenciuda, facilitándo-y los medios d’accesu pa incorporase al espaciu virtual del taller, xuntu al restu del grupu (los servicios municipales de centros sociales van contactar preferiblemente pela vía electrónica pa facilita-y los enllaces pa participar nel chat, canal o videoconferencia correspondiente).

Los conteníos disponibles n’abiertu dirán ufiertándose tanto nesta sección de la páxina web del Conceyu d’Uviéu como nes diverses cuentes en redes sociales de los Centros Sociales pa la so llibre consulta y visualización del públicu:

  Categories: