Uviéu refuerza Servicios Sociales con dos trabayadores sociales y un auxiliar

by redacción asturnews | abril 24, 2020 8:25 am

El Conceyu d’Uviéu sigue col refuerzu de personal pa les distintes conceyalíes del Conceyu, como enantes fixo cola Área d’Urbanismu ya Infraestructures, cola incorporación de dos trabayadores sociales y un auxiliar alministrativu.

Nesti casu, la Conceyalía de Personal, dirixida por Mario Arias impulsó la contratación de dos trabayadores sociales y un auxiliar alministrativu, que se van incorporar el próximu mes de mayu a Servicios Sociales. Tratase en dambos casos de trabayadores interinos.

Con ello, el responsable de Personal vien dar respuesta a la solicitú realizada polos responsables de la área social municipal, teniendo en cuenta los encamientos de la Secretaria d’Estáu de Derechos Sociales, de fecha 6 d’abril de 2020, en referencia a los servicios sociales d’atención primaria y comuñales de les Entidaes Locales, que contemplen la incorporación de personal especializáu para entainar la tramitación de les ayudes económiques y la movilización de recursos que surdan nesti periodu, según para entainar l’atención social profesional necesaria en situaciones de riesgu para persones vulnerables.

L’oxetivu ye,reforzar la plantiya pa faer frente al desenvolvimientu de les múltiples iniciatives puestes en marcha, dende l’área social del Gobiernu d’Alfredo Canteli, por cuenta de la crisis causada pol COVID 19” afirma Mario Arias. Ente elles, ta la xestión del Plan Uviéu Contigo, xuna de les iniciatives más destacaes del executivu local, que tien xuna dotación inicial de 500.000 euros (ampliables en función de les necesidaes) y col que pretende atendese a les families que s’atopen en situaciones de necesidá.

El Teniente d’Alcalde quixo emponderar el compromisu y trabayu realizáu polos trabayadores de servicios Sociales, que xunto colos miembros de la Área de Seguridá son los más espuestos al riesgu d’andada. “Uviéu tien unos Servicios Sociales de los que podemos tar bien arguyosos”, concluyó.

Source URL: http://asturnews.com/uvieu-refuerza-servicios-sociales-con-dos-trabayadores-sociales-y-un-auxiliar/