Portada Uncategorized Uviéu presenta’l “Tour Universu Muyer” los díes 22 y 23 de xunu

Uviéu presenta’l “Tour Universu Muyer” los díes 22 y 23 de xunu

by asturnet

El “Tour Universu Muyer”, una gran fiesta del deporte femenín, con más de 3.000 metros cuadraos, con 16 federaciones y otres tantes pistes pa exhibiciones, va celebrase n’Uviéu los díes 22 y 23 de xunu.

“Va ser una gran fiesta del deporte femenino, con más de 3.000 metros cuadraos, con 16 federaciones y otres tantes pistes para exhibiciones, una carrera solidaria en beneficiu de l’Asociación Cáncer de Mama Metastásicu, esposición de fotografíes, maratón de fitness, foros d’alderique…”, adelantraron los organizadores mientres la presentación, nel salón de plenos, a la qu’asistieron los conceyales de Deportes, Mercedes González y Fernando Villacampa.

La conceyala de Deportes y el conceyal delegáu de l’área, Mercedes González y Fernando Villacampa, presentaron esta selmana, nel salón de plenos, el Tour Universo Muyer , englobáu dientro del Programa Universu Muyer del Conseyu Deportes y que tien como oxetivu’l fomentu y desenvolvimientu del deporte femenín como un preséu potente de reconocencia del rol de la muyer na sociedá polo xeneral y el deporte en particular, y de toos aquellos retos que superen para poder practicar deporte y que la sociedá sía consciente de too ello. Dambos conceyales tuvieron acompañaos de clubes y federaciones asturianes, deportistes… amás de Natalia Flores, Directora de Programes Mujer y Deporte del Conseyu Deportes; Noelia Florín, responsable de patrocinios d’Iberdrola; Nachu Solana, Director de OEOE Marketing y organizador del Tour incluyíu nel programa d’actividaes y la madrina y padrín de la carrera incluyida nesta edición, Toña Is y Alberto Fernández Laso.

Mercedes González aseguró que “ye un prestu’l poder visibilizar a la muyer nel deporte, que yera pa nós una asignatura ensin aprobar porque anque se dieron munchos pasos pola igualdá real entá queda enforma camín por percorrer y si en dalgún campu ye visible la diferencia qu’hai, ye nel mundu del deporte”. Al so xuiciu “esta cita ye un gran impulsu pol deporte femenín”. Y el conceyal delegáu de Deportes estimó a tolos presentes “el responder a esta llamada. El deporte femenino entá tien enforma que dicir y recordó “el llamentable acontecimientu” vivíu va díes con un equipu femenín y los regalos recibíos pol club.

Pa la Directora de los Programes Muyer y Deporte del Conseyu Deportes lo importante ye “trabayar pa visibilizar a la muyer nel deporte”. “Universu Muyer empezó en 2015 y dientro d’él, el Tour, qu’esta ye la tercer vegada que se celebra, tres faelo l’añu pasáu en Gijon. Tratar de traer el deporte de la muyer na cai. va celebrase los díes 22 y 23 de xunu”. De siguío la conceyala de Deportes recibió l’emblema de “Universo Mujer”. Mercedes González recordó que la carrera, el Tour “va ser solidaria porque tola recaldación va dir destinada a l’Asociación de Cáncer de mama metastásico”.

Noelia Florín, responsable de patrocinios d’Iberdrola destacó “la gran acoyida que ns brindó Uviéu. Iberdrola trabaya con 16 federaciones deportives y a les sos selecciones y lligues femenines (Rugby, Balonmano, Triatlón, Ximnasia, Badminton, Piragüismu, Natación, Voleibol, Fútbol, H.oquei, Atletismu, Deportes de Xelu, Karate, Surf, Boxéu y Tenis de Mesa) col mesmu oxetivu de dotar de meyores condiciones a les deportistes y a los clubes al traviés de les sos federaciones, y toes elles van tar representaes nesti eventu”.

El Tour MSD consta d’un circuitu por distintes capitales españoles, de les qu’Uviéu va ser la 13ª localidá n’allugar esti “roadshow”. “El fin del Tour ye potenciar el deporte femenino, espublizar los ésitos llograos poles nueses deportistes, fomentar la participación de la muyer nel deporte para toles edaes y pollo ye imprescindible cuntar con ciudaes que sofiten l’eventu con comunicación institucional y la facilitación d’un espaciu emblemáticu y de la máxima arribación posible como ye’l casu d’Uviéu y el so Paséu del Bombé. El Tour Universu Muyer consiste nun recintu polideportivu al campu d’aprosimao 3000 metros cuadraos, onde les 16 Federaciones impulsaes por Iberdrola disponen d’un espaciu deportivu y d’información onde tola población (de dambos xéneros y de toles edaes) pueden esfrutar de práctiques, concursos y exhibiciones al pie de xugadores locales y campeones nacionales. Coles mesmes, cuntamos con un gran escenariu onde, mientres les dos xornaes, va realizase un maratón de fitness y clases colectives para tolos públicos para practicar deporte cola meyor música y diversión garantizada”, esplicó Nachu Solana.

Una de les grandes novedaes, sorrayó, “ye la incorporación de la carrera ‘Uviéu en forma pola igualdá’, na que podrán inscribise hasta 2.000 persones de toles edaes”. Y Solana apurrió los dorsales “cero” al padrín y madrina de la carrera, Alberto Fernández Laso y Toña Is.

 

Tamién te podria gustar