Uviéu presenta un nuevu calendariu pa les Escueles Infantiles

Uviéu presenta un nuevu calendariu pa les Escueles Infantiles
29 xunetu 13:01 2019 Imprimir

El conceyal  d’Educación d’Uviéu, Jose Luis Costillas, y la edil delegada de la área, Yolanda Vidal, presentaron esta selmana pasada un nuevu calendariu pa les Escueles Infantiles “consensuáu con tolos actores implicaos: educadores, directores de centros y families” que “asegura la calidá educativa y asistencial de los menores, los derechos llaborales de trabayadores y el derechu a la conciliación de les families”. 

El responsable d’Educación, Jose Luis Costillas, y l’edil delegada de la área, Yolanda Vidal, presentaron esta selmana pasada la propuesta que realizó la conceyalía pa establecer el  nuevu calendariu de les Escueles Infantiles (de 0 a 3 años). Según destacó Costillas trabayóse “con dilixencia, rapidez y responsabilidá” énte “l’heriedu envelenáu que nos dexó l’anterior gobiernu al aprobar de forma unillateral y un día antes de les elecciones, un nuevu calendariu”.

Pa sacar alantre esta propuesta’l conceyal sorrayó que se faló con “tolos axentes implicaos: educadores, directores, sindicatos y coles families” porque esta “va ser la política de la conceyalía” d’equí p’arriba. “Nunca más se van tomar decisiones de forma unillateral y ensin escuchar a les partes afectaes”, aseguró. El conceyal siguió indicando que’l nuevu calendariu, nel que se recueye la propuesta presentada polos sindicatos na mesa de negociación de febreru, asegura “la calidá educativa y d’asistencia a los menores, según los derechos llaborales de el trabayadores y el derechu a la conciliación de les families”.

Vidal foi la encargada de detallar el calendariu propuestu pola conceyalía d’Educación, que marca l’entamu de l’actividá nes Escueles Infantiles el día 2 de setiembre, siendo’l día 5, el primeru nel que se va atender a los menores. El 10 de setiembre va empezar el serviciu de comedor, siendo’l 24 de xunetu’l final de cursu. Les escueles van cerrar los díes 31 d’ochobre (Día del Profesor) y les xornaes del 23 y 30 d’avientu, pa compensar l’asistencia a claustru.  El educadores van emprestar atención directa a los menores mientres seis hores y media, teniendo otros 30 minutos, hasta completar la so xornada llaboral de 7 hores, pa realizar llabores pedagóxicos. Les direiciones de los centros van tener llibertá pa distribuyir les veces y marcar los horarios de les escueles.  Midíes que, según sorrayó la edil, dexen “cumplir el conveniu cola Conseyería d’Educación” que marca que diches escueles tienen de permanecer abiertes mientres 11 meses al añu, velando de la mesma “pola calidá educativa y los derechos llaborables de el educadores”.es direiciones

  Categories: