Uviéu presenta la VI edición de SACU con homenaxe a Psicosis

22 ochobre 10:39 2020 Imprimir

El conceyal y presidente de la Fundación Municipal de Cultura, José Luis Costillas presentó esti día, la sesta edición de la Selmana del Audiovisual Contemporanea d’Uviéu “que se tenía que celebrar el pasáu mes d’abril, pero la pandemia pola COVID-19 obligó a aplazala y qu’entama con homenaxe a Psicosis interpretáu per Uviéu Filarmonía y actuaciones complementaries nel Arqueolóxicu y l’Auditoriu.

El responsable municipal de Cultura sorrayó que “va haber nuevos escenarios y actividaes paraleas como esposiciones, instalaciones… muncho más que cine.  SACU que sigue afondando nes relaciones ente l’audiovisual y el restu de les artes, apostando por propuestes artístiques novedoses que’l públicu d’Uviéu, pola cultura segura, afalando la creación artística na ciudá col encargu de pieces audiovisuales, sonores y musicales y estrenando n’Asturies películes que llograron l’aplausu de crítica y públicu nel circuitu internacional de festivales.

Del 23 d’ochobre al 1 de payares, SACU va allugar siete cine-conciertos, 26 películes, de les que 23 son estrenos n’Asturies, una amuesa interactiva, una videoinstalación, una esposición y un taller, una cuidada programación que se va desenvolver so les normes de seguridá encamentaes poles autoridaes sanitaries. SACU va tener llugar nel Teatru Filarmónica y el Muséu de Belles Artes d’Asturies y, per primer vegada, va llevar la so programación al Auditoriu Príncipe Felipe, a la Fábrica d’Armes de la Vega y al Muséu Arqueolóxicu d’Asturies. La entrada de toles actividaes va ser gratuita, pero’l públicu tendrá de retirar les invitaciones n’entraes.oviedo.es 24 hores antes de cada sesión”.

Pablo de María añedió que “una de les singularidaes de SACU ye la producción d’espectáculos y nuevos enfoques artísticos. La sesta edición va estrenar cinco cine-conciertos de grandes clásicos del cine: La pasión de Juan d’Arcu, El maquinista de la Xeneral, Nosferatu, Garres humanes y Xuna páxina de llocura. Otra de les novedaes va ser Planu sonoru, videoinstalación con Uviéu nel focu de los cineastes Samu Fuentes, Teresa Marcos, Marcos Merín y Pablo Casanueva y de el diseñadores de sonido Alejandro López, Juan Carlos Blanques, José Tomé y Óscar d’Ávila”.