Portada Conceyos Uviéu prende la Navidá

Uviéu prende la Navidá

by redacción asturnews

La programación navidiega, entamó esti vienres, a les 19 hores, col encendíu del llume navidiego y foi presentáu pola conceyala de Festexos, Cuadonga Díaz. Al actu asistió tamién Catherine Phelps, diseñadora del cartelu d’estes fiestes.

El programa d’actividaes recupera cites tradicionales como la Cabalgata de los Reis Magos, la recepción de Les sos Maxestaes y Aliatar, la esposición de Belenes en Trascorrales, el Misteriu de la Plaza de la Catedral o la pista de xelu. Como novedaes, Pá Noel va percorrer nel so trinéu, acompañáu polos sos ayudantes los elfos, el centru d’Uviéu para “dinamizar la ciudá y el comerciu”. Amás va proxectase el videomapping “Uviéu Máxica Navidá” na fachada de la Ilesia de San Isidoro el Real y l’Auditoriu y la Filarmónica van ufiertar, de forma gratuita, espectáculos infantiles y familiares como la Aladín, La Bella y la Bestia o’l Show de Cocu y Pepe. Les invitaciones van poder descargase n’entraes.oviedo.es trés díes antes de cada actuación. El programa foi presentáu esta mañana pola concejala de Festexos, Cuadonga Díaz, quien tuvo acompañada pola diseñadora del cartelu, Catherine Phelps.

Dende’l vienres pue visitase, de forma gratuita, la esposición de belenes en Trascorrales (horariu de 11 a 14:30 y de 17 a 21 hores) y el Misteriu instaláu na Plaza de la Catedral. Escenariu qu’al pie de la plaza de Porlier acueye, hasta’l 6 de xineru, el Mercáu de Navidá, nel qu’amás de realizar les compres Navidiegues podrá esfrutase d’una amplia ufierta d’actividaes empobinaes al públicu infantil como pintacaras, globoflexia, espectáculos de pómpares o maxa. El mercáu va permanecer abiertu de 12 a 14 y de 17 a 21 hores.

Los díes 17, 18, 22, 23, 30 y 31 d’avientu, a les 18,30, 19 y 21 hores, va proyectase’l videomapping “Uviéu Máxica Navidá” na fachada de la Ilesia de San Isidoro el Real (Plaza de la Constitución) y a partir del día 10 d’avientu podrá esfrutase de la pista de xelu que se ta instalando nel Paséu del Bombé del Parque San Francisco. El so horariu d’apertura va ser de 10 a 22 h. salvu los díes 24,31 d’Avientu y 5 de Xineru, que va permanecer abiertu hasta les 20 h. Los díes 25 d’Avientu, 1 y 6 de Xineru va abrir les sos puertes a les 16,30 hores.

Ente les actividaes programaes destaca tamién el desfile que va ufiertar Pá Noel, el día 24 d’avientu, a partir de les 12 hores, dende la cai Alfredo Martínez y la Plaza d’América. Según destacó la concejala, Santa Claus y les sos elfos lleguen a Uviéu col oxetivu de dinamizar la ciudá y el comerciu” n’ufiertando espectáculos asemeyaos “n’otres ciudaes como Madrid, Sevilla o Santander”. Concretamente’l percorríu que va realizar Pá Noel nun trinéu tiráu por renos va ser el siguiente: Alfredo Martinez – Plaza América – Avda. de Galicia – Cervantes – Marqués de Teberga – Gil de Jaz– Uría – Frai Ceferino – 9 De Mayu– Doctor Casal– Palacio Valdés- Pelayo– Plaza de La Escandalera – San Francisco– Ramón y Cajal – Plaza del Riego – Peso – Plaza De La Constitución– Cimadevilla – Rúa – Plaza Alfonso II– Eusebio González Abascal – Ramón y Cajal – Pozo – Rosal – Martínez Marina– Quintana – Fontán– Plaza Daoiz y Velarde – Fierro – Plaza De La Constitución – Madalena – Parque del Campillín.

Más información

Tamién te podria gustar