Uviéu pon en marcha’l proyectu pioneru d’un centru social virtual

Uviéu pon en marcha’l proyectu pioneru d’un centru social virtual
13 ochobre 11:11 2020 Imprimir

La conceyala delegada de Centros Sociales, Lourdes García presentó la selmana pasada un proyectu pioneru, el Centru Social Virtual d’Uviéu, “una ferramienta dixital de bon manexu” a la que se van treslladase unes 150 actividaes, toes aquelles que se desenvolvíen davezu nos centros sociales que permanecen zarraos.

“Y ye que pel momento, según indicó la conceyala en rueda de prensa, nun se remanen feches pa una posible reapertura de dichos de los centros sociales. Tamos en contactu cola Conseyería de Salú. Dada la situación de rebrotes y si nun se apandar la curva la verdá ye que veo la fecha demasiáu llueñe”, indicó la concejala.

“Cola puesta en marcha d’esti centru virtual, el centru social númberu 53, búscase amás abrir les actividaes que davezu se desarollaben a un mayor númberu de públicu que n’otres ocasiones por horariu o disponibilidad nun podíen realizales. “Dada la realidá sanitaria vimos obligaos a reinventar estes actividaes, tratar del centru social númberu 53 y ye una sala virtual pionera”, indicó García.

La conceyala esplicó que “el nuevu centru social virtual diseñóse para siguir dando a los ciudadanos el serviciu que-yos ufiertaba la rede de centros sociales d’Uviéu. Esti proyectu llega para cubrir esi espaciu qu’entá nun podemos enllenar, el de la reapertura de los centros sociales que dica agora non nos paez conveniente abrir, dada la población que ye mayoritariamente usuaria, les persones mayores, que, como sabéis, ye’l colectivu más vulnerable énte les posibles andaes, y más agora que tán amontándose los rebrotes en tol país, y tamién n’Asturies. Ye una ferramienta dixital de bon manexu y de saléu bien intuitivu y senciella, cola que los usuarios van poder aportar a munchos de los servicios qu’atopaben nel centru social del barriu. Mientres esplico les característiques d’esti proyectu, van dir saleando na páxina web por que veáis toles funcionalidades y característiques d’esti proyectu.

“El Centru Social Virtual d’Uviéu tien dellos apartaos o secciones: Una sala de recepción, onde los usuarios van poder faenos llegar les sos duldes sobro’l funcionamientu d’esta páxina, faenos suxerencies o consultes rellacionaes con Centros Sociales. Consta tamién d’un Aula Virtual, onde podrá consultase y rexistrase nes actividaes que componen el Programa d’Ociu y Tiempu Llibre d’esti nuevu cursu, actividaes que yá anunciemos apocayá. Al traviés d’esta ferramienta virtual, consiguimos, amás, que l’Equipu de Dinamización, el animadores de los centros, que veníen emprestando los sos servicios na Rede de Centros Sociales, siga tando a disposición de los usuarios. Al traviés d’esta sección, puede interactuase y caltener el contactu con esti equipu de dinamizadores que son l’alma de les actividaes de los nuesos centros.  El nuesu Centru Social Virtual tamién tien Salón d’Actos, una sección que se compon d’una selección de los momentos destacaos nos nuesos equipamientos, pero tamién otres iniciatives como conciertos, esposiciones, actuaciones y representaciones que vamos dir incorporando y xubiendo a esta web a midida que llévense a cabu, y que, en dellos casos, inclusive, vamos emitir en tiempu real al traviés de les nueses redes sociales. Si interésente les nueves tecnoloxíes, al traviés de l’Aula d’Informática vas tener accesu a la ufierta formativa en Nueves Tecnoloxíes, con una selección de cursos gratuitos”.

  Categories: