Fiestes Uviéu pon en marcha’l concursu de llume navidiego by redacción asturnews 4 d'avientu, 2020 written by redacción asturnews 4 d'avientu, 2020 2,4K La Xunta de Gobiernu del Conceyu d’Uviéu aprobó esta selmana les bases reguladores del concursu de Llume de navidá 2020-2021. L’oxetivu del mesmu ye que los uvieinos participen de forma activa nel llume navidiego d’anguaño. La Xunta de Gobiernu dio lluz verde a destinar 20.000 € para premios, que se van estremar en dos categoríes: la primera engloba a los comercios, locales d’hostelería y a toos aquellos establecimientos que tengan fachada a la cai; la segunda categoría engloba a edificios, tantu públicos como privaos, (comunidaes de vecinos, colexos profesionales, cámara de comerciu, asociaciones, etc.). A caúna de les categoríes destínense 10:000 € en premios, a partir en 5.000 € al primeru, 3.000 € al segundu y 2.000 € al terceru. El xuráu va tar formáu por personalidaes de dellos ámbitos profesionales que van valorar distintos aspeutos de la decoración, tales como la imaxinación, la calidá, el diseñu, etc. Los interesaos en participar nel concursu van tener el plazu d’inscripción abiertu ente los díes 30 de payares y 15 d’avientu. El conceyal de Promoción Económica, Javier Cuesta, quixo animar a los uvieinos a que participen nesti concursu “arreyándose nel llume, nun añu que ta siendo complexu y nel que la navidá debe de ser xuna dómina pal optimismu”. Cuesta señaló que los premios “son una forma d’incentivar a la participación nun concursu que, amás, va contribuyir a complementar el llume que va instalar el Conceyu nes cais”. El conceyal amosóse esperanzáu cola respuesta que los uvieinos van dar a esta iniciativa y destacó que “ente toos vamos collaborar a que la ciudá ufierte la meyor imaxe mientres les próximes fiestes”. 0 FacebookTwitterPinterestEmail Anterior Uviéu va reconocer a Tribuna Ciudadana por cuenta de so 40 aniversariu siguiente Xixón Turismu espubliza na so web los ‘take away’ y agospiamientos abiertos Tamién te podria gustar El Trasiegu Fest conclúi col envís de poner... El Trasiegu Fest va tener un mercáu con... San Xuan celebrase en toa Asturies con Xixón... Vuelven los Taragaños del Cofrade a Uviéu ‘Güei sálese’ diseña una programación especial pa Selmana... Tradición, música, confraternización y cultura tomen Avilés nes... Fallu del xuráu del Concursu de Proyectos de... Iniciativa y la Fundación Almastur presentaron la Xira... Los actos del Antroxu d’Avilés sumaron los 46.000... L’Antroxu de Xixón parte 36.000 euros en premios