Uviéu podría tener esti añu Oficina de Normalización

Uviéu podría tener esti añu Oficina de Normalización
04 xineru 08:46 2016 Imprimir

SOMOS Uviéu va proponer la creación d’un Serviciu de Normalización Llingüística nel conceyu pa normalizar una situación que colocaba a la capital asturiana fora del mapa de normalización nel que s’alcuentren toles ciudaes importantes del país.

El conceyal Fernando Villacampa foi l’encargáu de personalizar la propuesta nun comunicáu nel que plantega pala oficina un calter tresversal, qu’asegure los derechos llingüísticos y que desendolque un Plan de Normalización al camentar que “la normalización del idioma ye ún de los puntos d’alcuerdu de los grupos de gobiernu SOMOS Uviéu, PSOE y IU” polo qu’afitaríase nun consensu d’estes fuercies sobre la forma que tienen de tener les midíes de normalización.

L’asociación de Podemos na capital propón qu’esti serviciu s’alcuentre na órbita de la Conceyalía d’Información y Participación que dirixe la vicealcaldesa d’Uviéu, Ana Taboada, cola idega de que seya una ferramienta de planificación, xestión y asesoramientu “non sólo pa que se fale de lo asturiano n’asturianu sinon tamién de dinamización de campañes en toles árees de gobiernu” y entendiendo’l trabyu que desendolque como “un plus a la marca municipal al traviés del respetu a los derechos llingüísticos de los asturianos y asturianes y del apueste pol patrimoniu llingüísticu y cultural nun sentíu ampliu”.

Loading Facebook Comments ...