Portada Fiestes Uviéu, más allumada que nunca, yá vive la Navidá

Uviéu, más allumada que nunca, yá vive la Navidá

by redacción asturnews

L’Alcalde d’Uviéu, Alfredo Canteli, y el primer Teniente d’Alcalde y conceyal d’Infraestructures y Urbanismu, Nachu Cuesta, fueron los responsables d’activar l’encendíu del llume festivo, con récord de lluces en 240 cais y places y una fachada consistorial espectacular con cascaes lluminoses, llazos, un gran lletreru nel que se llee Feliz Navidá y dos grandes ánxeles nel arcu d’entrada a Cimadevilla. 

De la que s’activaben estes lluces faíenlo amás les de les 240 allugamientos qu’anguaño llamen a vivir la Navidá n’Uviéu, una trentena más que l’añu pasáu, con elementos nuevos como la cascada de lluz na cai Milicies; un conu xigante con xuegos de lluz a manera d’árbol na plaza de la Escandalera y cubre árboles lluminosos nos tueros de la cai Fruela. En total van ser 4 millones de puntos de lluz, casi 150 cais y places urbanes, 39 cais en zona rural, 32 fachaes de centros sociales y 19 cais con megafonía navidiega.

El mapa d’allumáu navidiegu d’Uviéu tien un especial tratamientu escontra los barrios, cola instalación d’elementos singulares en places como la de los Cuatro Caños, na Corredoria, la del Llagu Enol, en Ventanielles, la cai Suárez Ximielga en Cualloto o la cai Xeneral Elorza. Tamién va haber elementos singulares en La Florida, Montecerrao y en parroquies rurales como Feleches, cerca de San Cloyo, Santa Marina de Piedramuelle, Tudela Veguín, Faru y Trubia.

Tamién te podria gustar