Uviéu llanza la primer aplicación móvil pa sofitar a los negocios locales

El conceyal d’Economía, Emplegu y Tresformamientu Dixital, Javier Cuesta, presentó esta selmana la plataforma dixital Yo creo n’Uviéu (YocreoenOviedo), de sofitu a los negocios locales.

El conceyal, acompañáu del responsable municipal de Turismo y Congresuos, Alfredo García Quintana, asociaciones y empresarios, aseguró que “esta estratexa inclúyese dientro d’una campaña de promoción y sofitu al sector servicios, englobada en YocreoenOviedo, esa marca al traviés de la cual esplegar distintes iniciatives. Esti ye un pasu más, con dos partes: una aplicación  móvil que dexa publicar productos, eventos, campañes, ufiertes… por que los ciudadanos puedan conocer qué asocede na ciudá de forma instantánea y, amás, ye una canal directa de comunicación pa los negocios, onde van recibir tola información d’interés como convocatories, ayudes, concursos, iniciatives…una ferramienta intuitivo y útil”.

“En paralelu”, añedió Javier Cuesta, “ponemos en marcha una campaña empobinada a el consumidores. Tamos yá en 800 empreses adscrites y l’oxetivu ye llegar a los mil esti mes. Esto ta creciendo, llegamos a tolos barrios y núcleos y vamos siguir. Vamos Sofitar de forma intensiva al comerciu, la hostelería y al sector servicios. Gracies a los 800 establecimientos xuntaos, a les asociaciones empresariales y a tol equipu que fixo posible esti eventu, Uviéu Entama. Cola suma de toos consígense coses”.

La presentación de la plataforma, na plaza del Conceyu, incluyó la instalación de la Caravana Creo n’Uviéu que va tar en distintes localizaciones emprestando información sobro servicios municipales a la so disposición (Uviéu Entama y App) a los negocios ya información sobro CreoenOviedo.com a la ciudadanía.

La Caravana informativa va percorrer distintos puntos de la ciudá nos próximos díes:
1. Plaza Pedro Miñor – 18/03
2. Cualloto – 19/03
3. La Escandalera – 20/03
4. La Corredoria – 22/03
5. Plaza Xeneral Ordoñez-23/03
6. Trubia-25/03
7. Los Praos/Pumarín-26/03
8. Plaza Longoria – 27/03
9. La Florida -29/03