“Uviéu Inclúi” entama una xornada sobro contratación pública responsable

El conceyal d’Economía y Emplegu, Rubén Rosón y Eduardo Méndez, secretariu técnicu de ADEIPA (Asociación d’Empreses d’insertamientu del Principáu d’Asturies) presentaron esta selmana, en rueda de prensa, la xornada “Contratos reservaos y clausulas sociales pa una contratación pública responsable”, que se va celebrar esti martes, a partir de les 9.30 hores, nel Palaciu d’Esposiciones y Congresos (PEC).

“Tratase d’unu de los finxos que’l Conceyu comparte con ADEIPA, una xornada que va especialmente dirixida a responsables  y personal técnico y xurídico de contratación de les distintes alministraciones, según a representantes d’entidaes de calter social. El ponente va ser Santiago Lesmes, consultor especializáu y reconocíu referente a nivel nacional en materia de contratación”. Esta actividá forma parte del proyectu “Uviéu inclúi. Otra economía pa otru desenvolvimientu local”, “non basáu en grandes sobrecostos d’otres dómines sinón en potenciar el consumu local, el desenvolvimientu de la economía social y solidario na ciudá. Estes oportunidaes se promueven al traviés del espardimientu, sensibilización y promoción de la figura de les empreses d’insertamientu y el so trabayu en rede, según impulsando l’aplicación de la reserva de mercáu y l’introducción de les clausulas sociales na contratación pública”.

Méndez indicó que mientres la xornada van encetar de manera práctica distintes cuestiones pa una aplicación efectiva na contratación pública de la reserva de contratos y de les clausulas sociales, conforme a la nueva Llei 9/2017. Inscripciones en adeipa.oviedoincluye@adeipa.org

El conceyal tamién se refirió a los planes d’emplegu y a les polítiques municipales llevaes a cabu pol gobiernu municipal y a otros asuntos d’actualidá.