Uviéu hermánase con Sintra (Portugal)

Uviéu hermánase con Sintra (Portugal)
26 14:29 2018 Imprimir

El Conceyu d’Uviéu suscribió esta fin de selmana l’hermanamiento cola ciudá portuguesa de Sintra nun actu que tuvo llugar nel salón de té del Teatru Campoamor y al qu’asistieron representantes de tolos grupos municipales del consistoriu uvieín y de la Cámara de Sintra. Roblaronlu’l conceyal de Turismu, Rubén Rosón, y el vicepresidente de la Cámara de Sintra, Rui Pereira.

El conceyal Rosón destacó que “con esta firma tiéndese un ponte social, cultural, comercial y académicu”, cola ciudá portugesa. Ello ye que adelantró que “el próximu mes de setiembre los clubes de llectura de la Rede municipal de biblioteques d’Uviéu van visitar Sintra”.

Pereira calificó de “bien importante la firma d’esti hermanamiento, el segundu que faemos con una ciudá europea” y aseguró qu’Uviéu “ye un faru cultural al que nos sentimos bien xuníos, un referente en participación ciudadana”. “Esti actu nun puede ser solu protocolariu y d’equí p’arriba les nueses idees y los nuesos suaños van ser comunes”.

L’actu incluyó un intercambiu de regalos. Uviéu regaló una cerámica de Faru y Sintra, grabaos de la so ciudá. L’himnu d’Asturies y el de Portugal, interpretaos a la gaita por José Manuel Gutiérrez, “Guti”, cerraron l’hermanamientu.

  Categories: