Portada Conceyos Uviéu garantiza les fiestes de San Mateo 2020

Uviéu garantiza les fiestes de San Mateo 2020

by redacción asturnews

La conceyala de Festexos, Cuadonga Díaz, garantizaba esta selmana la celebración de les fiestes de San Mateo 2020 diciendo tar “trabayando en dellos modelos pero siempres anteponiendo la seguridá y la salú de los uvieinos. Les pautes en materia sanitario son del Gobiernu rexonal y l’Executivu nacional”.

La conceyala de Festexos, Cuadonga Díaz, compareció esta selmana tres la comisión de Polítiques Sociales, Deportes y Mocedá p’adelantrar qu’esti añu “sí va haber fiestes de San Mateo”. Esta edición “va tar lóxicamente marcada pola crisis sanitaria” y, por esta razón, indicó Díaz, “trabayamos con dellos modelos: per un sitiu un escenariu grande y otros más pequenos nos barrios… entá nun ta definíu pero lo que tenemos claro ye que va primar la salú y la seguridá de los uvieinos, porque son el Gobiernu del Principáu y el Gobiernu nacional los que tienen que danos les pautes en materia sanitario”.

Sobro la instalación de chiringos  nes fiestes mateínas, la conceyala indicó que “dependemos de lo que nos marque’l gobiernu d’Asturies y d’España pa marcar los aforos. A mediaos de xunu vamos saber daqué más pero lo que ta claro ye que debemos de ser bien acordaos”. Esta premisa, adelantró la edil, “moviónos a llevar a Xunta de Gobiernu la suspensión de les fiestes de San Juan y de la Jira del Naranco”. Tampoco va haber fiesta nin foguera de San Juan en La Corredoria y “yá fueron delles les asociaciones que contactaron con nós p’anular les sos fiestes porque los aforos son incontrolables”

“A partir  del 28 de xunu prevese que s’amonten los aforos y entós vamos intentar definir meyor entá’l modelu de San Mateo”, según la conceyala de Festexos.

Tamién te podria gustar