Uviéu Filarmonía abre al públicu l’ensayu xeneral del Conciertu d’Añu Nuevu

Uviéu Filarmonía abre per primer vegada al públicu l’ensayu xeneral del Conciertu d’Añu Nuevu. La prueba celebrase esti llunes 31 d’avientu a les 11 de la mañana nel Teatru Campoamor. L’aforu máximu va ser de 500 persones.

Per primer vegada desque se celebra esti eventu, Uviéu Filarmonía va abrir al públicu l’ensayu xeneral del so Conciertu d’Añu Nuevu. El llunes 31 d’avientu a les 11 de la mañana va tener llugar l’ensayu xeneral nel Teatru Campoamor del recital que se celebra tolos años y que ye interpretáu pola agrupación uvieina. Lucas Macías va tar al mandu de la orquesta nel so primer conciertu como director titular tres el so nomamientu’l pasáu branu, tando les localidaes para les sesiones de los díes 1 y 2 de xineru prácticamente escoses.

L’ensayu va ser n’horariu mañaneru, intentando favorecer la presencia de los neños y neñes que s’atopen de vacaciones escolares. Dende esti vienres día 28 d’avientu podrán retirase gratuitamente un máximu de 2 localidá per persona na taquilla del Teatru Campoamor, hasta un aforu máximu de 500 asistentes. L’horariu del ventanu ye de 12.00 a 13.30 hores y de 16.00 a 20.00 hores.