Uviéu estudia fórmules p’ampliar les terraces na desescalada

Uviéu estudia fórmules p’ampliar les terraces na desescalada consensuada colos hosteleros nuna xunta que se caltuvo esta semana y que coincide cola anuncia de que ye futurible que nun se llimite l’aforu de los establecimientos.

El Conceyu d’Uviéu celebró esta selmana una nueva xunta pa estudiar fórmules que dexen l’ampliación de les terraces d’hostelería na desescalada con arreglu a les restricciones impuestes pol gobiernu central y de manera consensuada col sector. Na xunta, convocada pol conceyal d’Urbanismu ya Infraestructures, Nachu Cuesta, participó tamién el conceyal de Turismu y Congresos, Alfredo García Quintana, según el xefe d’Infraestructures, Ignacio Ruiz Latierro,y el  presidente de Otea, José Luis Álvarez Almeida.

Tratase de la primer xunta en conociendo’l plan de desescalada del Gobiernu central. Nella, Conceyu y hosteleros empezaron a estudiar les posibles fórmules para llevar a cabu l’ampliación de les terraces, teniendo en cuenta que van tener qu’abrir cola metá del so aforu y que na mayoría de los casos esto nun resulta rentable para estos negocios.

El conceyal de Turismu quixo llanzar un mensaxe tranquilizador al sector, destacando que “pueden confiar en que dende’l Conceyu vamos faer lo que tea na nuesa mano para ayudar a salir d’esti bache y que siempres vamos sofitar los intereses d’un sector que ye una pilastra de l’actividá y l’empléu n’Uviéu”. García Quintana manifestó amás que “el Conceyu ta actuando dende’l rigor que quepe esixir a una Alministración, daqué que nun fixo’l Gobiernu de Pedro Sánchez, atendiendo les demandes del sector y buscando les fórmules xurídiques que nos dexen actuar y garantizar que podemos contribuyir a desaniciar l’efectu negativu qu’esta crisis va a suponer para un sector de vital importancia para Uviéu”.