Portada Conceyos Uviéu entama un plan pa crear empreses cooperatives y sociales

Uviéu entama un plan pa crear empreses cooperatives y sociales

by redacción asturnews

La conceyalía d’Economía y Emplegu, que xestiona’l conceyal Rubén Rosón, peracaba un conveniu cola Agrupación de Sociedaes Asturianes de Trabayu Asociáu (ASATA) pa fomentar la economía social nel conceyu d’Uviéu.

El conveniu, con una duración d’un añu, prorrogable, va sirvir pa poner en marcha un plan a más llargu plazu (cinco años) qu’escuerre impulsar n’Uviéu la creación unes cien empreses cooperatives y de trabayu asociáu, con una pervivencia, en 2020, de 70 cooperatives y sociedaes llaborales, según los oxetivos del proyectu ellaboráu por ASATA.

L’oxetivu de creación d’empreses pal primer añu ye de diez sociedaes, con 30 puestos de trabayu. Pa poner en marcha’l plan, Uviéu va cuntar con un trabayador a tiempu completu, sofitáu por otros dos técnicos de l’asociación, pa ufiertar tutoríes y siguimientu de los proyectos, que tán destinaos tantu a persones o colectivos que deseyen crear los sos propios puestos de trabayu, como a colectivos de trabayadores d’empreses en dificultaes que decidan faese cargu de l’actividá como propietarios y trabayadores.

El plan tien un presupuestu de 50.000 euros, pal primer exerciciu, y el conveniu, que tien una duración de doce meses prorrogables, preve que’l Conceyu apurra una subvención de 42.000 euros.

Tamién te podria gustar