Uviéu entama devolver l’importe de los cursos de la Universidá Popular

El Conceyu d’Uviéu, al traviés de la conceyalía d’Educación, habilita a partir d’esta selmana la posibilidá de recuperar l’importe de los cursos ensin impartir nin esfrutaos de la Universidá Popular d’Uviéu.

La conceyalía da per rematáu esti programa esti cursu énte les circunstancies sobreveníes pola crisis del Covid 19, polo que va empezar a devolver esta selmana les matrícules de los cursos ensin realizar o la parte correspondiente a los meses ensin esfrutar.

Los interesaos tienen d’unviar un corréu electrónicu a la dirección universidadpopularoviedo.es ya incluyir dellos datos: DNI, nome completu, cursos nos que taba matriculáu, númberu de cuenta nel que se va faer efectiva la devolución. Dende la conceyalía d’educación señalen qu’esta información va publicar na web municipal en próximos díes. La conceyalía empobinada por Yolanda Vidal espera poder volver retomar esti programa’l cursu que vien anque se ta por cuenta de los encamientos sanitarios y de les diverses ordes ministeriales que se vaigan conociendo según meyora la evolución de la pandemia.