Portada Conceyos Uviéu entama a preparar la recuperación económica de la ciudá’l día dempués

Uviéu entama a preparar la recuperación económica de la ciudá’l día dempués

by redacción asturnews

El Conceyu d’Uviéu empieza a preparar coles asociaciones empresariales la recuperación económica y del empléu de la ciudá’l día dempués del coronavirus. Los conceyales d’Economía y Turismu, Javier Cuesta y Alfredo García Quintana, respectivamente, caltuvieron esta selmana xuntes con diversos colectivos empresariales de la ciudá pa empezar a preparar la nueva etapa.

L’equipu de Gobiernu del Conceyu d’Uviéu lideráu por Alfredo Canteli sigue preparando l’escenariu que se plantege una vegada llevántese l’estáu d’Alarma. Asina, el conceyal d’Economía, Javier Cuesta y  el conceyal de Turismu, Hostelería y Congresos, Alfredo García Quintana axuntáronse esta mañana coles  asociaciones empresariales de los sectores del comerciu y l’hostelería, ensin dulda los más afectaos pola crisis sanitaria del coronavirus. Fueron dos xuntes, pero con dos oxetivos comunes: De primeres, que los representantes empresariales de los dos sectores más importantes na economía del conceyu, conocieren de primera esquito les midíes que se tán planiando per parte del Conceyu para tratar d’embrivir l’impactu negativu del coronavirus na economía, l’actividá empresarial y l’empléu n’Uviéu. Y, per otra parte, que los sectores del comerciu y del turismu treslladaren al Conceyu les sos percepciones y necesidaes para encetar la recuperación de les actividaes empresariales de la forma más rápida y eficaz.

El compromisu primordial, tal que afirmó l’alcalde uvieín, Alfredo Canteli, va unos díes ye que la meyor estratexa p’actuar nos efectos sociales de la crisis sanitaria, ye la de trabayar nel sostenimientu de les empreses y autónomos d’Uviéu como garantía por que se caltenga y recupere l’empléu. L’equipu lideráu por Canteli lleva selmanes trabayando nun ambiciosu plan de recuperación y estímulu económicu, focalizado en pymes y autónomos, por qu’Uviéu recupere’l pulsu cuanto antes, una vegada vuelva volver a entamar l’actividá empresarial, con calter xeneral.

 

Tamién te podria gustar