Uviéu entama a dotar d’accesu a internet a alumnos ensin conectividá

Uviéu entama a dotar d’accesu a internet a alumnos ensin conectividá
06 abril 10:45 2020 Imprimir

El Conceyu d’Uviéu, al traviés de la conceyalía de Tresformamientu Dixital que dirixe Javier Cuesta, empecipió un programa que tien como oxetivu apangar la fienda dixital. El primer pilotu, implementóse la fin de selmana, apurriendo accesu a internet a una trentena d’alumnos del Institutu de La Ería.

Tratase d’una iniciativa que va tener continuidá mientres los próximos díes, pa dexar qu’unos 800 alumnos del conceyu qu’anguaño nun disponen de conexón a la rede puedan faelo y asina aportar a la enseñanza telemática.

Esti vienres pasáu entamó la entrega de los equipos a los familiares de los estudiantes, consistente nun ordenador portátil y uno tarxeta SIM y Módem USB de conexón a internet 4G, de banda ancha

La midida, según indica’l conceyal de Tresformamientu Dixital Javier Cuesta, llega dempués de que la dirección del centru educativu dirixir al conceyu pa tresllada-y el problema d’accesu a la rede de dellos alumnos, torgar avanzar nes materies educatives per vía telemática.

Pa dar solución al problema, l’equipu de Gobiernu algamó un alcuerdu de collaboración cola empresa Telecable, que va apurrir la conexón de forma gratuita al traviés de dispositivos pa llínees móviles adquiríos pol Conceyu.

Javier Cuesta manifestó que’l proyectu puestu en marcha nel IES de La Ería failo “como un proyectu piloto” y que si da la resultancia esperada “la selmana que vien va empezar a extrapolase al restu de centros educativos del conceyu nun proyectu más ambiciosu que dexe que tolos alumnos con estes llimitaciones ver iguaes y que puedan tener accesu a la enseñanza telemática”. Cuesta defendió que “Conceyu tien de ser sensible a la situación” y, amás, que “l’oxetivu primordial ye romper esa fienda dixital por que nun se repita la situación nun momentu del cursu de vital importancia pa los alumnos énte la más que probable imposibilidá de volver a les aules por cuenta de la crisis sanitaria”.

Nos próximos díes, el Conceyu va pidir a los equipos docentes de cada centru que lu informe del númberu de que puedan tar esta situación, pa tratar d’apurri-yos conexón a toos.