Uviéu desenvuelve otru añu la so campaña ¿Conoces la Escuela Municipal de Música?

La Escuela Municipal de Música d’Uviéu atópase yá colos preparativos de cara a la nueva temporada educativa y la selmana pasada entamó la segunda edición de les sos sesiones didáctiques na so see, allugada na cai del Rosal nº 7, cola cuenta de que los escolares conozan los principales preseos musicales.

Los pequeños pudieron tener una primer aproximamientu a instrumentos de distintes families. Por casu pudieron afayar dalgunos de cuerda como’l violín, violar, el violonchelu y el contrabaxu; pela so parte, los arrexuntaos en vientu madera van ser el clarinete, l’oboe y el saxofón; a lo último, tán los clasificaos na categoría de vientu madera, representaos pola trompeta, trompa, trombón, tuba y bombardino.

El centru educativu convocó yá los plazos de preinscripción del cursu lectivu 2018/2019 pal alumnáu de nuevu ingresu, tantu pa neños como p’adultos. Nel casu de los neños, los periodos son del 2 al 27 d’abril y del 2 al 31 de mayu, pa los menores de 4 a 7 años y los mayores de 8 años, respectivamente. Per otru llau, los adultos van deber preinscribirse mientres abril o mayu, indistintamente. Los comenenciudos van poder apuntase nel Rexistru del Conceyu d’Uviéu.

Los cursos van tar dedicaos a la enseñanza del llinguaxe musical, al igual qu’a la interpretación, d’instrumentos como la flauta trevesera, pianu, guitarra clásica, acordión y percusión, incluyendo coles mesmes tolos citaos enantes y que van intervenir nes sesiones didáctiques. El cantar tamién va ser una opción disponible.
Pa más información: Escuela Municipal de Música d’Uviéu (C/ Rosal nº 7), teléfonu 985 20 40 68; y www.oviedo.es.

La Escuela Municipal de Música tien programao pal 3 de mayu, a les 18.15 hores, un conciertu d’exhibición d’instrumentos nel Auditoriu, colos beneficios destinaos a la Cocina Económica.