Portada Sociedá Uviéu dedica una plaza a la memoria del Cardenal Tarancón

Uviéu dedica una plaza a la memoria del Cardenal Tarancón

by redacción asturnews

L’alcalde, Wenceslao López, l’Arzobispu d’Uviéu y el Padre Ángel glosaron la figura del relixosu, una de les figures clave mientres la Transición a la democracia a la que se rindió homenaxe esta selmana.

“Un defensor de la llibertá y la xusticia social que foi una figura memorable y necesaria”. Asina definió l’alcalde,  Wenceslao López, al cardenal Enrique Tarancón que dende esti mes d’abril cunta con una plaza n’Uviéu. El rexidor recordó la importancia del llabor que Tarancón desenvolvió como Arzobispu n’Asturies nos años sesenta “siempres esmolecíu pola xusticia social y los más desfavorecidos”.

L’Arzobispu d’Uviéu, Jesús Sanz Montes, amosóse bien satisfechu de que’l cardenal Tarancón cunte con un espaciu públicu n’Uviéu dada la so escepcional trayectoria. Pela so parte, el Padre Ángel, promotor de la iniciativa por qu’una plaza de la ciudá llevara’l nome del preláu, destacó la cercanía que siempres caracterizó a Tarancón. “Ente que él foi Arzobispu nacieron n’Uviéu la Cruz de los Ánxeles y Mensaxeros de la Paz porque la so esmolición polos más desfavorecidos yera inmensa”.

Al actu d’inauguración allegaron, amás de representantes de los grupos municipales de la corporación , delegáu y responsables de les residencies de Mensaxeros de la Paz en tol país. La interpretación de la pieza ‘Llamento’ de José Manuel Gutiérrez ‘Guti’ punxo puntu y final al actu.

Tamién te podria gustar