Uviéu consigue “cifra récord” de participantes nel International Cheese Festival

Uviéu consigue “cifra récord” de participantes nel International Cheese Festival
15 ochobre 08:54 2021 Imprimir

Uviéu consigue más de 4.000 quesos participantes, “cifra récord”, nel International Cheese Festival, sigún vieno a dicir l’Alcalde, Alfredo Canteli, esta selmana nuna xunta col Comité d’organización del International Cheese Festival, que se va celebrar n’Uviéu del 3 al 6 de payares.

El primera edil, acompañáu del conceyal de Turismu y Hostelería, Alfredo García Quintana, recordó que “llevamos dos años trabayando pa esta cita, con una pandemia pel mediu. Y a la fin, esti próximu mes, más de 4.000 quesos participantes, cifra récord, van ufiertar na nuesa ciudá. Payares va ser un mes importante para Uviéu. Gracies a el organizadores, Luisa ViIlegas,  Oskia Yaben y John Farrand y tamién al Gobiernu del Principáu, en concretu a Alejandro Calvo, conseyeru de Mediu Rural y Cohesión Territorial”.

Canteli convidó a los que nos visiten a que “esfruten de la nuesa ciudá y a que vuelvan”. Tamién pidió al comerciu y a la hostelería uvieina “que tengamos un tratu esquisitu con ellos, porque van ser embaxadores de la nuesa ciudá”.

  Categories: