Uviéu celebro’l Día Mundial del Turismu

Uviéu celebro’l Día Mundial del Turismu
28 setiembre 08:22 2020 Imprimir

Esti domingu día 27 de setiembre, el conceyu uvieín celebró’l Día Mundial del Turismu, al traviés de la conceyalía de Turismu, que quixo sumase a esta conmemoración, con dos visites empuestes dirixíes a los turistes que nos visitaben.; una visitadesenvolviose pol cascu históricu de la ciudá y la otra nel Muséu de Belles Artes d’Asturies.

La conceyalía de Turismu púnxose en contactu colos hoteles de la ciudá por qu’informaren a los sos güéspedes que visitaben la ciudá esta fin de selmana de l’actividá por que los que quixeran puedieran inscribise. Alfredo García Quintana punxo de manifiestu na mañana’l vienre  la importancia de “conmemorar esti día” nun momentu “especialmente” delicáu para’l sector por causa de la pandemia y repitió “l’apueste” que’l gobiernu local ta faciendo “para potenciar” Uviéu como destín seguru.

García Quintana reconoció que-y gustara celebrar el Día Mundial del Turismu con un programa “más ambiciosu” pero que lo “principal”  yera garantizar la seguridá de toos. “Lo importante ye conmemorar esti día, amosar los curiosos d’Uviéu ya incidir en que la nuesa ciudá ye un llugar seguru qu’acueye colos brazos abiertos a toles persones que quieran visitanos. Siempres primando la seguridá” destacó’l conceyal.

Per otru llau la conceyalía de Turismu informó del conveniu robláu con Logroño pa la promoción turística pa intercambiar visitantes ente les dos ciudaes y que yá se dio na instalación nos espacios publicitarios de dambes ciudaes la campaña que promociona Uviéu en Logroño y Logroño n’Uviéu.

  Categories: