Portada Sociedá Uviéu celebró nel Campoamor el Día Internacional de la Llingua Materna

Uviéu celebró nel Campoamor el Día Internacional de la Llingua Materna

by redacción asturnews

La corporación municipal del Conceyu d’Uviéu sumóse esti 21 de febreru, al Día mundial de la Llingua Materna con un actu institucional nel que reivindicose la importancia del asturianu y les de les diverses nacionales que conviven na ciudá.

Empezó’l conceyal de Cultura, Roberto Sánchez Ramos, tres l’actuación del Coru Muyeres de San Esteban y la presentación de Vítor Suárez. El conceyal reivindicó la declaración del asturianu como llingua oficial y les de les nacionalidaes que moren n’Uviéu “que nos arriquecéis cola vuesa presencia”, aseguró dirixiéndose a dalgunos de los vecinos y vecines d’otros países, representantes de de los 3.000 migrantes que viven na ciudá que, a xuiciu de Sánchez Ramos, “arriquécennos cola so presencia”. Uviéu, aseguró, ye una ciudá que quier “trabayar pola integración” y lluchar contra los fascismos de nuevu cuñu que pretenden esclavos y non persones humanes”. Ya incidió na importancia de la diversidá de llingües y la necesidá de que les instituciones públiques fomenten esti patrimoniu. Asturies, indicó, tien una “llingua propia y son necesarios nuevos impulsos para la so normalización, que pasen pola oficialidá”.

De siguío, diose llectura del Manifiestu, a cargu del presidente de l’Academia de la Llingua, Xosé Antón González Riañu, y el saharagüi residente n’Asturies Aby Atham, y residentes n’Uviéu de delles nacionalidaes lleeron “Pallabres” na so llingua materna.

El gaiteru Xuacu Amieva, los escolinos del Colexu Públicu Buenavista I y del colectivu Muyeres tamién se xunieron a la reivindicación de que les nueves xeneraciones puedan aprender asturianu d’una manera integral nes aules y reclamaron la oficialidá.

L’Alcalde, Wenceslao López, foi l’encargáu de cerrar l’actu, estimando especialmente “a tolos que collaboraron cola vuesa llingua, tratando de formar equí, nel Campoamor, esi crisol de cultures. Cuando escuchaba a los neños del Buenavista recordaba cómo cuando yera neños como ellos y volvía del pueblu a la ciudá a un barriu del extrarradio los neños rir de mi por falar asturianu. Pero güei nun puedo. Precisamos visibilizar la importancia de la nuesa diversidá, un símbolu de convivencia. Esi pluralismu llingüísticu ye un espaciu más na que la capacidá d’enseñanos y aprender convertir na meyor ferramienta para’l respetu porque cuanto más sepamos de la cultura d’otru, más rica va ser la nuesa. Cada mes envalórase que muerre una llingua. Por eso los pueblos tenemos que curiar lo nueso. Nos raigaños ta la nuesa Cultura; nel nuesu corazón, la LLingua”.
L’Himnu d’Asturies cerró l’actu.

Tamién te podria gustar