Uviéu celebra’l Primer Día Européu del Camín de Santiago

Uviéu celebra’l Primer Día Européu del Camín de Santiago
14 ochobre 08:50 2019 Imprimir

El conceyal de Turismu y Congresos, Adolfo García Quintana, presentó a la fin de la semana pasada, los actos que’l Conceyu d’Uviéu entamó con motivu del Día Européu del Camín de Santiago, “una iniciativa que partió d’Asturies y que la Federación Europea decidió entós convocar l’I Día Européu del Camín de Santiago, los díes 19 y 20.

Dende la área de Turismu “entamen los díes 19 y 20 visites teatralizaes gratuites pol cascu antiguu, ‘La ruta primitiva’, y una ruta por un tramu urbanu y rural del Camín dientro del conceyu”. Xuntu al conceyal compareció Ángel de la Fonte, escritor, articulista y espertu nel Camín de Santiago, qu’esplicó que les visites van salir, de la plaza d’Alfonso II El Castu, el día 19, a les 10 hores y el día 20, a les 10:30 hores.

Al respective de la ruta polos tramos del Camín pol conceyu, De la Fonte especificó que va ser el día 20, a les 16 hores, dende la plaza d’Alfonso II El Castu y que va escurrir dende Uviéu a Ponte Gallegos,  7 kilómetros que va faer un grupu de 50 persones. Tamién recordó que “la novela La Pelegrina d’Isabel San Sebastián empieza col anunciu d’un legáu d’aquel obispu gallegu del descubrimientu del sepulcru del apóstol Santiago. Ende empezó tou, el rei nun duldar n’escuchar y púnxose en camín. Apocayá más d’un añu’l cardenal Rouco Varela nel cursu Cuadonga. Verdá, guapura, bondá de trelce sieglos (718-2018) pronunció estes palabres: Ensin Cuadonga, el Camín de Santiago nun nacería. La respuesta d’aquellos habitantes del norte énte les incursiones de el musulmanes dio llugar a un procesu conocíu como Lu Reconquista y equí tenemos el puntu de partida. L’afianzamientu del reinu asturianu, entidá indiscutible, contribuyó a forxar les pelegrinaciones a Santiago. Roma, Jerusalén, Santiago son trés referentes na cristiandá. L’uvieín en tiempos llibreru, articulista de LNE, escritor Alberto Polledo publicó dos llibros sobro’l Camín: Camín de San Salvador, de la Pulchra Leonina a la Sancta Ovetensis y Bon Camín. D’Uviéu a Santiago tres los pasos d’Alfonso II”.

Según  De La Fonte, “l’oxetivu ye sumase a los actos del Día Européu del Camín de Santiago. Nun escaezamos que tenemos un Xacobeo a les nueses puertes, el 2021 vuelve ser Añu Santu Compostelanu, porque ‘Camín,  nun hai camín, faise camín al andar’ como dicía Machado; porque ‘Equí tas, camín de siempre, escontra alantre, rota l’aspiración rosada, lluna que empalidece toa cosa” del asturianu Bousoño o ‘Caminante son les tos buelgues el camín y namás’ de Juan Manuel Serrat son xuna bona reflexón para empezar el camín de cada unu dientro del Camín Primitivu. El día 20 d’ochobre tres la recepción a los pies de la Sancta Ovetensis vamos caminar escontra Galicia y vamos facer conociendo la xeografía y hestoria qu’envolubra al Camín”.

Itinerariu:

Basílica de San Juan el Real, la llamada catedral del enanche uvieín. Obra de Luis Bellido del añu 1915.
• Avenida Fundación Princesa d’Asturies. Vista del aguaduchu de Pilastres, obra de montañeses, pero digna de romanos, dixo Xovellanos. José María Cienfuegos Xovellanos y Bernaldo de Quirós manifestó para xustificar el valtamientu: “Les Pilastres son xuna obra antigua, pero tolo antiguo ta llamáu a sumir”. La llínea Uviéu a Trubia del añu 1883, actual llínea Cf7 que continua hasta San Esteban y Ferrol y per otru llau llega al altu Ayer dende Trubia.
• L’Argañosa (gorbizal) y La Florida (flor). Urbanización contemporanea.
• San Llázaro de Paniceres. San Llázaro (malatería). Paniceres (panicium, panem). Malatería dende la Edá Media al sieglu XVIII.
• Vista del Naranco (agua) y San Cloyo (mártir del sieglu IV). Ilesia románica. 1864 estroces per nube eléctrica. 1936 destrucción definitiva na Guerra Civil.
• Llampaxuga (cuesta inclinada). Capiya de la Virxe del Carmen. Fonte y llavaderu. Ponteo (ponte del ríu o antropónimos Pontius).
• Lloriana (antropónimu Laurius o Laurianus). Villa indiana (Villa Rosario, primer terciu del sieglu XX). Ilesia Santa María de Loriana (románica, reconstrucción posterior XVIII-XX, torre del añu 1929).
• Requejo (estrechu, angostu, retiráu, ocultu). Molín censáu en 1752, catastru del Marqués del Ancón). Inxeniu hidráulicu de cinco mueles, poco habitual n’Asturies.
• Fabarín (fabam, fabem), cultivu de fabes.
• Ponte Gallegos. Orixe medieval. Accidentes na travesía de la ponte. Fechos históricos (Guerra Civil).  Escultura de José Luis Fernández (1982).

  Categories: