Sociedá Uviéu celebra’l Día Internacional del Pueblu Xitanu by redacción asturnews 7 d'abril, 2017 written by redacción asturnews 7 d'abril, 2017 35 El balcón de la Casa Conceyu d’Uviéu lluz dende esta mañana la bandera del Pueblu Xitanu por cuenta del Día Internacional del Pueblu Xitanuque se va celebrar el 8 d’abril. La corporación municipal recibió esti día na Sala de Plenos del Conceyu d’Uviéu a representantes de la Fundación Secretariáu Xitanu, l’Asociación Asturiana pal Cambéu Social Nómades, Asociación Chalavipen y Asociación Xitana UNXA, por cuenta de la celebración el próximu sábadu, 8 d’abril, del Día Internacional del Pueblu Xitanu. L’alcalde, Wenceslao López, calificó como “importante” esti alcuentru “pa sopelexar que, magar tamos nel sieglu XXI, sigue habiendo un pueblu que sigue lluchando polos sos derechos y qu’entá nun consiguieron la igualdá”. Nesti sentíu’l rexidor recordó que’l pasáu martes, el Plenu d’Uviéu aprobó por unanimidá una declaración institucional na que se sorrayaba la importancia de “algamar la plena inclusión de les persones xitanes como ciudadanos y ciudadanes colos mesmos derechos que’l restu”, pa lo que se plantega programes específicos nel ámbitu municipal. Tamién tuvieron presentes nesta recepción la concejala d’Atención a les Persones, Marisa Ponga, el responsable de Deportes, Fernado Villacampa y los conceyales Cristina Pontón, Diego Valiño, Belén Fernández Acevedo y Luis Pacho. 0 FacebookTwitterPinterestEmail Anterior La película alemana “Toni Erdman” inauguró’l nuevu trimestre del Cine de los Martes” d’Avilés siguiente Valdecarzana acueye una charra sobre la lleenda de la islla de Samalandrán Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...