Portada Conceyos Uviéu celebra’l Día Internacional de les Persones Mayores

Uviéu celebra’l Día Internacional de les Persones Mayores

by redacción asturnews

La concejala de Polítiques Sociales, Concepción Méndez, y l’edil delegada de la área, Leticia González, presentaron esta selmana pasada les actuaciones coles que se conmemora’l  Día Internacional de les Persones Mayores que se van desenvolver a lo llargo’l mes.

Na ellaboración del programa, que se va estender a lo llargo de toll mes, túvose en  cuenta, según esplicó Méndez, el lema d’anguaño: “Equidá dixital pa toles edaes” y el yá utilizáu en 2019 por el mesmu Conceyu: “Que tolos díes sían 1 d’ochobre”.  Por ello, ente les actuaciones diseñaes habrá una entrevista cola youtuber de la cocina asturiana Güela Pepi visibilizando asina “un gran exemplu de persones mayor activa nel mundu dixital, que cunta con 20.000 siguidores en Facebook  y 109.000 suscriptores en YouTube”.

Amás va desenvolvese una webinar con encamientos de l’asociación APADA pal usu d’audífonos pa persones mayores y van espublizase  diversos  materiales editaos pola conceyalía como la campaña de prevención de riesgos nel llar y les libretas de comunicación en cases pa persones con déficit auditivu. Toes estes actividaes van rematar el 26 d’ochobre, día nel que se va celebrar la xornada “Avieyamientu Saludable” , nel Palaciu d’Esposiciones y Congreso Ciudad d’Uviéu. Xuna xornada na que profesionales como’l doctor Jose Antonio Flores, profesor de Ciencies de la Conducta na Universidá d’Uviéu o espertos en nutrición, van falanos de los vezos d’avieyamientu saludable.

Pela so parte, González, esplicó’l  trabayu realizáu pola conceyalía que dirixe coles mires de “apurrir los sofitos necesarios por que les persones mayores puedan tar nes sos cases el mayor tiempu posible y nes meyores condiciones de seguridá. Acordies con los trabayos realizaos poles Unidaes de Trabayu Social del conceyu, el colectivu supon más del 20% del total de la población atendida, siendo mayoritariamente los usuarios de los programes d’atención más cercana como l’ayuda a casa y teleasistencia, recursos que queremos siguir espublizando pa dar la máxima cobertoria posible a les necesidaes d’esta población.”

Tamién te podria gustar