Uviéu celebra’l Día de la Ciudá Educadora

Uviéu celebra’l Día de la Ciudá Educadora
25 09:30 2019 Imprimir

A lo llargo d’esta selmana del 25 al 30 de payares, Uviéu va sumase al restu de les Ciudaes Educadores apurriendo’l so granín d’arena con más de 30 actividaes en distintos espacios dirixíes a adultos y estudiantes. 

Asina, el programa diseñáu pa los escolares (d’ente 3º d’Infantil hasta 2º de la Y.S.O) inclúi, n’otres actividaes, visites a instituciones públiques fundamentales (como la Xunta Xeneral del Principáu, l’Axencia de Meteoroloxía o Facienda); la celebración d’un Plenu nel Conceyu d’Uviéu; formación en Llingua de Signos y Primeros  Auxilios; visites a medios de comunicación como la Cadena ACOPE o Radio Asturies y “inmersiones tecnolóxiques y de emprendimientos” nel Vivarium y la Turria de la Ería. Pal públicu familiar programóse un taller d’Animación a la llectura tituláu “L’Osu Tramposu”  que se va celebrar na Biblioteca Jose María Laso  Prieto’l vienres 29, a partir de les 17:30 hores.

Teniendo en cuenta qu’esti Día Internacional surde pa dar “una visión amplia de la Educación a lo llargo y anchu de la vida”, tal que destacó la concejala de la área, los adultos tamién van poder participar en diverses actividaes: concretamente van poder averase a delles clases qu’ufierta la Universidá Popular nel edificiu del Pavu Real. Asina, el llunes 25, a les  10:30 hores, van poder asistir a “Hestoria d’Europa del  sieglu XX”; el miércoles, a les 16:30 hores, a “¿Quies ameyorar la to alimentación?”; el xueves, a les 12:15 hores a “El Camín de Santiago” y el vienres, a les 12:15 hores, a “L’Arte Contemporaneo”. Tamién la Escuela Municipal de Música va abrir les sos puertes, el martes 26, pa tolos comenenciudos.

El programa d’actividaes va rematar  el sábadu, día 30 de payares, nel Colexu San Llázaro (Escueles Blanques) onde se va realizar la llectura del Manifiestu del Día de les Ciudaes Educadores. A partir de les 12:00 hores, los neños van poder participar de dellos talleres; esfrutar d’un conciertu de la Banda de música municipal integrada por escolares y de un cuentacuentos al cargu de la compañía de títeres Yheppa. van celebrase amás talleres científicos  y de realidá virtual.

Les actividaes nun precisen inscripción previa.

  Categories: