Uviéu celebra’l Día de la Biblioteca con una selmana d’actividaes

Uviéu celebra’l Día de la Biblioteca con una selmana d’actividaes
23 ochobre 10:13 2017 Imprimir

Uviéu celebra’l Día de la Biblioteca con una selmana d’actividaes na que l’actu central va tener llugar esti martes 24 na Biblioteca de La Granxa con una recepción al ilustrador uvieín Pablo Amargosu.

Por cuenta de la celebración del Día de la Biblioteca’l 24 d’ochobre, dende les Biblioteques Públiques Municipales vieno acabante programase n’Uviéu una serie d’actividaes para dar mayor visibilidá a les biblioteques y al personal bibliotecariu. Dende 1997 a iniciativa de l’Asociación d’Amigos del Llibru Infantil y Xuvenil vien celebrándose en toa España esti día n’alcordanza a la destrucción de la biblioteca de Sarajevo mientres el conflictu balcánicu.

Cada añu un autor o autora y un ilustrador o ilustradora encargase de la ellaboración del cartelu y mensaxe. Anguaño foi Alejandro Palombos quien s’ocupó del testu en favor de les biblioteques y de los bibliotecarios y Manuel Marsol de la ilustración.

Acaldía de la selmana va haber una actividá nes biblioteques públiques del Conceyu d’Uviéu, dalgunes nos espaciu físicos y otres nel nuevu espaciu na rede coles que quier convidase a toles persones que s’averen a les biblioteques, conocer, conozan al so personal y esfruten de los servicios, actividaes que dende elles se programen.

Va empezase esti llunes llanzando una entruga na páxina de facebook de la Rede Municipal de Biblioteques animando a que toles persones escriban les sos alcordances con bibliotecarios. Entruga que van contestar pa rematar la selmana delles escritores asturianes na Biblioteca José Mª Laso Prieto (Ventanielles) a partir de les 19:00 hores: Dorita García, María Ruisánchez, Victoria R. Gil y Leticia Sánchez van ser les invitaes.

Amás, el día 24 toles biblioteques van abrir les sos puertes de forma especial faciendo una visita empuesta y comentada pola biblioteca. Esi mesmu día, na Biblioteca de La Granxa a les 12:00 va tener llugar un actu especial y emotivu cola donación de cartelos a les biblioteques per parte del ilustrador uvieín Pablo Amargosu, que va ser recibíu pola concejala d’Educación y responsable de les biblioteques, Mercedes González. va publicase una guía de llectura, y va falase de biblioteques públiques na xuntal de los xueves de la Biblioteca de la Granxa a partir de les 11 hores.

  Categories: