Portada Fiestes Uviéu celebra l’Antroxu los díes 16 y 17

Uviéu celebra l’Antroxu los díes 16 y 17

by redacción asturnews

La ciudá va celebrar el Antroxu los díes 16 y 17, cola presencia de les Mazcaraes d’iviernu asturianes, como los Mazcaritos d´Uviéu o los Sidros de Valdesoto; el Rei Momo del antroxu” y un anováu “Entierru de la sardina”.

Nun va faltar el Concursu d’amarutes”, que’l so plazu d’inscripción, pa toles categoríes y modalidaes, vieno tar abiertu dende’l vienres y el Palaciu de Congresos va acoyer l’Antroxu infantil.

El presidente de la Fundación Municipal de Cultura y conceyala de Cultura, Roberto Sánchez Ramos, presentó la selmana pasada l’Antroxu 2018 d’Uviéu, que se va celebrar los díes 16 y 17. El conceyal tuvo acompañáu pola concejala d’Atención a les Persones, Marisa Ponga y l’encargáu del proyectu artísticu, Luis Antonio Suárez.

Sánchez Ramos empezó la so intervención recordando que “esti proyectu de la Fundación Municipal de Cultura, con un conseñamientu cercanu a los 90.000 euros, rique estimar  el trabayu, ente otros, de Luis Antonio y del pintor Carlos Sierra, que donó una de les sos obres pa ilustrar el programa”. La principal novedá d’anguaño, esclarió’l conceyal, “ye que se contempla l’Antroxu dende un puntu de vista antropolóxicu. Ye un Antroxu nuevu que va constar de dos díes, pa dos públicos, el vienres 16, pa los más pequenos, nel Palaciu de Congresos; y el 17, sábadu, pa los adultos: Desfile, Entierru de la Sardina y Concursu”. Dambos díes, les actividaes van empezar a les 18 hores.

Respectu al Desfile, el conceyal de Cultura falo del so conteníu: “Va Tener per primer vegada, trés secuencies o partes: la primera, Mazcaraes d’iviernu asturianes, cola participación de Mazcaritos d´Uviéu, Zamarrones de L.lena y Sidros de Valdesoto; la segunda, l’Antroxu clásicu, cola escena del “El Rei Momo del antroxu”, interpretáu pol Grupu Marxe y seis charangues, amás de los concursantes y, de terceres, l’Entierru de la Sardina y duelu”, al cargu de Mercáu Ástur”. El concursu d’amarutes va desenvolvese, a partir de les 20 hores, na plaza de la Catedral.

Luis Antonio Suárez recordó la importancia histórica del cuadru donáu por Carlos Sierra, “La mázcara”, porque lluz el vestuariu mexicanu encargáu pol Conceyu d’Uviéu pa un Desfile d’América n’Asturies. Tamién destacó, como novedaes del Desfile d’esta edición el nuevu conceutu col que se va preparar l’Entierru de la Sardina”: “Intentemos la busca d’una personalidá, buscar la forma de qu’esti cortexu aciagu sirviera d’inspiración  pa crear tou un séquitu d’amarutes absurdos , más d’acordies col surrealismu: vilbos y vilbes en distintes versiones , oxetos , animales , personaxes y coses que de dalguna manera averar a una situación de duelu , murnia ,  vilbedá , lloru o berru que convertiríen cualesquier disfraz  en daqué indicativu del lúgubre entierru . Ye un bon exerciciu d’imaxinación”.

Marisa Ponga destacó’l papel de los centros sociales na comitiva. “Son grandes focos de dinamización social. Anguaño participen 19, más de 400 persones, a les que’l Conceyu destinó xuna aportación de 7.000 euros pa amarutar y el tresporte de los usuarios de centros sociales de la zona rural”.

Más información

Tamién te podria gustar