“Uviéu” califica d’ésitu la so presencia en FITUR

El Congresu Nacional de Hotelería, los World Cheese Awards, l’alcuerdu col Conceyu de Valencia o la incorporación d’Uviéu a “Saborguia España”, son dalgunos de los llogros anunciaos na Feria Internacional de Turismu que presentaron esta selmana’l segundu Teniente d’Alcalde, Mario Arias y el responsable de la área, Alfredo García Quintana.

El Segundu Teniente d’Alcalde y responsable de Relaciones Institucionales del Conceyu, Mario Arias, y el conceyal de Turismu, Alfredo García Quintana, detallaron esta mañana’l trabayu realizáu na Feria Internacional de Turismu, FITUR, celebrada en Madrid la selmana pasada. Una edición “bien completa para nós” indicó García Quintana “tantu poles presentación como poles resultancies”.

Ente los importantes llogros llograos pal Ayuntamientu, “frutu del trabayu previu realizáu”, el responsable de Turismu destacó la celebración del Congresu Nacional de Hotelería que va axuntar na ciudá a mediu millar de profesionales.nel mes de payares; un alcuerdu de collaboración col Conceyu de Valencia coles mires de promocionar dambes ciudaes y aumentar el númberu de pernoctaciones aprovechando la conexón aérea directa; la incorporación d’Uviéu, al pie de Llión y Pamplona, a “Saborguia España”, xuna plataforma “que dexa tresformar los nuesos productos n’esperiencies promocionándolos a nivel nacional ya internacional”, según la presentación del World Cheese Awards, eventu que va incluyir la celebración d’un cheese market, degustaciones y esperiencies amás d’un Congresu científicu-tecnolóxicu y un foru agroalimentario que’l conceyal espera “que permanezan nel tiempu na nuesa ciudá celebrándolos de forma añal”.

Amás, Uviéu presentó al pie de los conceyos de Xixón, Avilés, Mieres y Cangas el Menú gastronómicu del Antroxu y celebró más d’una decena d’alcuentros empresariales y con otres alministraciones pa xenerar sinergias. Ente ellos, el responsable de Relaciones Institucionales destacó xuntes col vicepresidente de la Xunta de Galicia pa potenciar el Camín de Santiago; col alcalde de Viseu pa impulsar y revitalizar el hermanamiento con esta ciudá y con responsables del grupu Prisa p’atraer Uviéu “un importante eventu que saldría per primer vegada de la capital”.