Uviéu Becomes Dixital: El marketing dixital torna a Uviéu

Uviéu Becomes Dixital: El marketing dixital torna a Uviéu
30 ochobre 09:00 2018 Imprimir

Esti martes 30 d’ochobre va tener llugar n’Uviéu la segunda edición de les xornaes sobro marketing dixital y redes sociales na que van participar Elia Guardiola, Chuiso y Miguel Ángel Trabáu, trés referentes del ámbitu. L’eventu va celebrase nel Palaciu d’Esposiciones y Congreso Ciudad d’Uviéu.

Profesionales del sector del marketing dixital van dase cita, una vegada más, nel Uviéu Becomes Dixital, un eventu que se va celebrar nel Palaciu d’Esposiciones y Congreso Ciudad d’Uviéu’l próximu 30 d’ochobre. Nesti congresu falarase de temátiques d’interés pa quien se dediquen profesionalmente a esti campu y tamién pa entamadores, entamadores y empreses que lleven a cabu les sos propies estratexes de marketing nel mundu dixital. Estos postreros van recibir directrices y conseyos que van ser de gran utilidá pa xestionar con ésitu la so comunidá virtual, redes sociales, allugamientu y marca personal, de la mano de Elia Guardiola, Chuiso y Miguel Ángel Trabáu. Trés charres, d’una hora averada de duración, componen el programa d’estes xornaes entamaes por FOLIE Asturies en collaboración con CTIC Centro Tecnolóxicu y dientro del marcu del proyectu municipal Uviéu Entama.

Elia Guardiola, CEO de Serendipia, especializada en Marketing Emocional y Experiencial, Storytelling y Marketing de Conteníos, que va un mes foi nomada una de les 15 persones más influyentes nel sector del Marketing de fala hispana va abrir les xornaes cola charra “Crear conteníos emocionales p’ameyorar la comunicación persuasiva al traviés del Marketing Emocional y el Storytelling”. En redol a les 12.00h, va ser Chuiso (Álvaro Saez) que ye especialista en Black Hat SEO y CEO del cursu TeamPlatino. Entamador madrilanu ganador del concursu internacional d’allugamientu SEO “Seovolución”, quien va siguir cola ponencia que lleva por títulu “Emprendimiento, SEO y automatizaciones pa entamadores y pymes”.

A lo último, va ser Miguel A. Trabáu quien va poner fin a la xornada cola so intervención: “Yo soi la mio Marca”. La so intervención va empezar alredor de les 13:00 hores. Trabáu ye speaker internacional, profesor de Marketing en ESADE; ESERP, EUNCET y Marketing and Web ente otres y ponente en IESE Business School, amás de director del Master de Marketing Dixital y Redes Sociales en ESERP Business School y Top 10 Marketing Professors on Twitter y Top 20 Global influencers de Marketing en Twitter. L’eventu ye gratuitu, magar ye precisu realizar la inscripción previa dende la páxina d’Uviéu entama www.oviedoemprende.es/agenda.. Les places tán llindaes, completando l’aforu por orde d’inscripción.

  Categories: