Portada Conceyos Uviéu axúntase a la iniciativa de PHotoESPAÑA

Uviéu axúntase a la iniciativa de PHotoESPAÑA

by redacción asturnews

Uviéu axuntase a la iniciativa de PHotoESPAÑA na que los ciudadanos van poder amosar la creatividá con fotografíes dende ventanes y balcones,  que van ser espuestes darréu en cada ciudá participante en dalgún llugar emblemáticu de la ciudá, tres una selección de les fotografíes.

El Conceyu d’Uviéu, al traviés de la Fundación Municipal de Cultura, xuntóse a la iniciativa que punxo en marcha’l Festival Internacional de Fotografía y Artes Visuales, PHotoESPAÑA, “Dende’l mio balcón”. Tratase d’una iniciativa na que ciudadanos de les principales capitales d’España, ente elles Uviéu, van poder amosar la so creatividá fotográfica, con imaxes tomaes dende les sos ventanes y balcones, que van ser espuestes darréu en cada ciudá participante en dalgún llugar emblemáticu de la ciudá, tres una selección de les fotografíes.

La convocatoria plantegóse como un homenaxe a la ciudadanía pa estimar el so esfuerzu y compromisu nestos díes. Dende la Fundación Municipal de Cultura señalen que pa participar solo hai que siguir la cuenta de PHotoESPAÑA na rede social Instagram (photoespana_) y xubir les fotografíes al perfil individual de cada persona, añediendo los hashtags PHEdesdemibalcón, PHE20 y photoespana. Pa rexistrar la participación, cada participante tien de rellenar el formulariu na web www.phe.es

Les esposiciones d’esta iniciativa van marcar el pistoletazu de salida de PHotoESPAÑA 2020 na so 23 Edición, a lo llargo del próximu branu.

PHotoESPAÑA  punxo en marcha esta iniciativa PHEdesdemibalcón pa fomentar la creatividá y la comunicación de los ciudadanos nestos momentos difíciles. Tratar d’utilizar balcones y ventanes como fontes d’inspiración y como marcos dende los que poner a prueba la creatividá fotográfica. Xuna oportunidá p’afondar na forma de mirar redescubriendo con ello la redolada, a los nuesos vecinos, ya inclusive a nós mesmos, señalen dende la organización.

Tamién te podria gustar