Uviéu aprueba’l proyectu de presupuestos pa cultura en 2020 en 11,7 millones

Uviéu aprueba’l proyectu de presupuestos pa cultura en 2020 en 11,7 millones
25 08:38 2019 Imprimir

Uviñeu aprueba’l proyectu de presupuestos pa cultura en 2020 asitiándolu en 11,7 millones, lo que suponen cásique un millón d’euros más que nel 2016, añu nel que  Festexos y Cultura taben desglosados.

Son más de 800.000 euros respecto al exerciciu de 2016, postreru nel que Festexos y Cultura taben desglosados. Agora van volver a desligarse dambes árees, cumpliendo col compromisu d’esti gobiernu. “Con esti presupuestu ponemos una meta: convertir a la capital nel referente cultural del Norte d’España”, aseguró’l conceyal de Cultura, José Costillas, mentantu que  Javier Cuesta, conceyal d’Economía sorrayó’l “rigor y xestión eficiente que van ser los parámetros pa xestionar los servicios municipales y tresformar y dinamizar Uviéu”.

Los conceyales de Cultura, José Luis Costillas y el d’Economía, Javier Cuesta presentaron la selmana pasada’l proyectu de presupuestos de la área de Cultura pa 2020.  El presidente de la Fundación Municipal de Cultura, Costielles, esplicó que “comparecemos tres la celebración del Conseyu Rector para presentavos un proyectu de presupuestos para l’exerciciu 2020 qu’algama los 11.713.000 euros. Asina esti equipu de gobiernu cumple’l compromisu de desligar la área de Festexos de la área de Cultura, lo que va redundar nel meyor funcionamientu de dambes árees”

El proyectu de presupuestos pa la FMC “caltien les partíes destinaes a la programación cultural estructural, la ufierta yá consolidada y con un públicu bien asitiáu n’Uviéu, como ye’l casu de la Nueche Blanca – qu’esta pasada edición algamó cifres récord-, la zarzuela,  la programación musical del Auditoriu, que yá son garantía d’ésitu y formen parte de la marca Uviéu, tamién Sacu y Radar, Uviéu Filarmonía, el Festival de danza, Parees, sofitu ‘indiscutible’ a la Fundación Ópera, Banda de Música, Real Banda de gaites… porque tenemos la firme voluntá de diversificar la ufierta d’ociu y cultural d’esta ciudá que llevaba demasiáu tiempu dormiendo’l pigazu, porque queremos apostar por nuevu públicos y pol turismu cultural.  La principal novedá ye la inclusión d’una partida de 150.000 euros para la celebración d’un nuevu Festival de Branu que va dexar que podamos competir con otres ciudaes costeres y que va poner a Uviéu nel mapa de los festivales de branu del Norte”, hai destallado Costillas. Na so opinión  “con esti presupuestu ponemos una meta: convertir a la capital nel referente cultural del Norte d’España, daqué que podemos  consiguir porque son munches enseñar culturales que fixeron yá de la marca Uviéu acomuñada a Cultura una referencia y un espeyu nel que mirase. La nuesa máxima ye amontar les actividaes infantiles y para les families y conciertos d’artistes de sonadía internacional y nacional, para ponenos nel mapa de grandes de conciertos. Ye un proyectu consensuáu, en total sintonía para poner en marcha Uviéu con más Cultura, con más formatos y para nuevos públicos…”

  Categories: