Uviéu aprueba nuevos cursos de la Universidá Popular

El Conceyu d’Uviéu va destinar casi 194.000 euros a los 8 módulos temáticos palos siguientes dos cursos escolares, hasta 2020, pala Universidá Popular uvieina.

El Conceyu aprobó la contratación de los servicios educativos palos dos próximos cursos escolares (2018-2019 y 2019-2020) de la Universidá Popular uvieina. En concretu, la conceyalía d’Educación preve destinar casi 194.000 euros al programa educativu puestu en marcha per primer vegada l’añu pasáu.

Poles aules de la Popular pasaron yá más de 5.000 estudiantes, según informó’l Conceyu n’una nota de prensa. La concejala d’Educación, Mercedes González, aprofió l’apueste del equipu de gobiernu y de la so área por xenerar “un serviciu con conteníos algamadizos por que la ciudadanía pueda ameyorar la so formación y averar la cultura a la zona rural”.

La llicitación, amás, caltien que les conferencies y talleres siguirán realizándose per tol conceyu y que cada cursu va poder desenvolvese tantu pela mañana como pela tarde y en distintos díes de la selmana. La duración del serviciu a contratar, coles mesmes, va ser de dos años a cuntar a partir del próximu 1 d’ochobre y va ser prorrogable por dos añalidaes.

La ufierta educativa va tar estremada en siete llotes temáticos que contienen 31 cursos distintos, El primer llote ta centráu n’Hestoria y Humanidaes, con cursos como la Hestoria d’Europa nel sieglu XX, Hestoria y estética del Cine, Hestoria de les Relixones, El Camín de Santiago o La Revolución Rusa. El segundu módulu, centráu nel Arte, va encetar l’Arte del África Negra, Hestoria del Arte, Arte Antiguo del Mediterráneu o claves para entender l’arte contemporaneo. El tercer módulu ta dedicáu a Psicoloxía, Emociones y Salú; el cuartu a cursos para Conocer la nuesa Ciudá, y el quintu centrase na Llingua y Lliteratura, con talleres d’Ortografía, Lliteratura o Llingua Asturiana (iniciación y avanzáu). Los trés últimos programes tán dedicaos a Medios Audiovisuales, Ciencia y Artes Gráfiques, con distintes propuestes cada unu.